NATO Rusiyaya mesaj sammiti keçirir

SON XƏBƏRLƏR

NATO Rusiyaya mesaj sammiti keçirir

2021.10.20, 07:36

Gunaz.tv

NATO Rusiyaya mesaj sammiti keçirir

Gürcüstana köməyin müzakirə olunduğu tədbirə üzv ölkələrlə yanaşı Azərbaycan generaliteti də çağırılıb Dünən Macarıstanın paytaxtı Budapeştdə NATO ölkələri müdafiə nazirlərinin qeyri-rəsmi sammiti işinə başlayıb. Iki günlük sammitə 42 rəsmi nümayəndə, ümumilikdə isə 700 qonaq qatılıb. Macarıstan alyansa üzv olduğu 9 il ərzində ilk dəfədir ki, belə bir tədbirə ev sahibliyi edir. Maraqlı burasıdır ki, sammitə NATO üzvlərindən başqa bir neçə ölkənin də müdafiə nazirləri dəvət edilib. 26 üzv ölkənin nazirləri ilə yanaşı tədbirdə Albaniya, Makedoniya, Azərbaycan, Ukrayna və Gürcüstan müdafiə nazirləri də iştirak edir. Daha bir diqqət çəkən məqam ondar ibarətdir ki, NATO hərbi rəhbərlərinin Gürcüstan müharibəsindən sonra ilk dəfədir keçirdiyi bu tədbirə Rusiya nümayəndələri dəvət olunmayıb. Amma sammit iştirakçılarının müzakirə edəcəyi mövzu Gürcüstandakı müharibə və alyansın Rusiya ilə qonşuluqdakı üzv və tərəfdaşlarını müdafiə planı olacaq. Macarıstanın müdafiə naziri Imre Sekereş sammitdən əvvəl verdiyi açıqlamada belə deyib. Sekereş onu da əlavə edib ki, qeyri-rəsmi görüşdə Gürcüstan və Ukraynanın alyansa üzvlük məsələsi də müzakirə olunacaq. NATO-nun rəsmi nümayəndəsi Ceyms Appaturay isə bir az əvvəl Brüsseldə jurnalistlərə bildirib ki, sammitdə alyansın vacib problemləri müzakirə ediləcək. Bunların arasında Əfqanıstan və Kosovodakı missiyaların vəziyyəti, alyansda islahatlar planı da var. Ceyms Appaturay deyib ki, Qafqazdakı son münaqişə Gürcüstan-NATO komissiyasının iclasında da müzakirə olunacaq. Komissiyanın iclası bu gün keçirilməlidir. NATO rəsmisinin sözlərinə görə, komissiyanın iclasının başlıca vəzifəsi Gürcüsatnın dəstəklənməsi və bərpasıdır. Alyans Gürcüstana hərbi qüdrətini bərpa etməyə və habelə onun NATO-ya üzvlüyünü reallaşdırmaq üçün lazımı islahatları həyata keçirməyə kömək göstərəcək. azadliq

GUNAZ.TV

SON XƏBƏRLƏR