Contact Us

SON XƏBƏRLƏR

Metyu Brayza: “Ermənistan Azərbaycanın ərazi bütövlüyünü tanımalıdır”

2021.10.20, 07:36
Metyu Brayza: “Ermənistan Azərbaycanın ərazi bütövlüyünü tanımalıdır”

Gunaz.tv
Metyu Brayza: “Ermənistan Azərbaycanın ərazi bütövlüyünü tanımalıdır” metyu-brayza-qarabaq.jpg ATƏT Minsk Qrupunun amerikalı həmsədri Qarabağ məsələsində bir neçə xırda problem qaldığını təsdiqlədi “ABŞ heçab edir ki, Qarabağ münaqişəsinin həllinin əsas prinsipi Azərbaycanın ərazi bütövlüyünə əsaslanmalıdır”. Lent.az-ın məlumatına görə, belə bir bəyanatla ATƏT-in Minsk Qrupunun amerikalı həmsədri Metyu Brayza “BBC”nin rus xidmətinə müsahibəsində bildirib. Brayzanın fikrincə, danışıqların müsbət nəticələnməsi üçün Ermənistan Dağlıq Qarabağın hüquqi cəhətdən Azərbaycanın bir hissəsi olduğu ilə razılaşmalıdır: “Biz Ermənistanın başqa bir mövqedə olduğunu bilirik və Ermənistanla Azərbaycanın ümumi dil tapmaları üçün konstruktiv yanaşmalardan istifadə etməliyik. Bu mümkündür, çünki yanaşmalar hansısa dərəcədə üst-üstə düşür”. ABŞ təmsilçisi Qarabağ məsələsinin həllində bir neçə xırda problemin qaldığını söyləyən Rusiya xarici işlər naziri Sergey Lavrovla razı olduğunu da bəyan edib: “Bizim həll etməli olduğumuz ancaq bir neçə xırda problem qalıb. Bu, həmişə danışıqların sonunda müzakirə edilən mürəkkəb məsələlərdir. Amma hər iki tərəf xoş iradə nümayiş etdirsə, bu məsələləri həll etmək mümkün olar. Ətraflı məlumat vermək istəməzdim. Çünki biz prezidentlərə və xarici işlər nazirlərinə danışıqlar aparmaq üçün imkan verməliyik”. Brayza Minsk Qrupunun işinin davam etdirilməsinin vacibliyinə də toxunub. Onun sözlərinə görə, Rusiya və ABŞ Cənubi Qafqazda rəqib deyillər: “Əkəsinə, bizim regionda ümumi maraqlarımız var”. ABŞ diplomatı Türkiyəni də Cənubi Qafqazda əsas oyunçulardan biri adlandırıb: “Biz hesab edirik ki, Türkiyə Qafqazda müsbət rol oynaya bilər. Məsələn, Türkiyə Qafqazda boru kəmərlərinin çəkilməsində öz rolunu oynayıb”. LENT.AZ

SEÇİLMİŞ XƏBƏRLƏR

Çox oxunanlar