YUŞŞENKO PARLAMENTƏ ÜÇ GÜN VAXT VERDİ . Yeni hökumət haqda razılaşma əldə olunmasa Ukrayna prezidenti parlamenti buraxacaq

SON XƏBƏRLƏR

YUŞŞENKO PARLAMENTƏ ÜÇ GÜN VAXT VERDİ . Yeni hökumət haqda razılaşma əldə olunmasa Ukrayna prezidenti parlamenti buraxacaq

2021.10.20, 07:36

Gunaz.tv

YUŞŞENKO PARLAMENTƏ ÜÇ GÜN VAXT VERDİ Yeni hökumət haqda razılaşma əldə olunmasa Ukrayna prezidenti parlamenti buraxacaq

Ukrayna prezidenti Viktor Yuşşenko bildirib ki, əgər oktyabrın 7-dək siyasi qüvvələr arasında yeni koalison hökumətin qurulmasına dair razılaşma əldə olunmasa, o, səlahiyyətlərindən istifadə edərək parlamenti buraxacaq. Jurnalistlərlə söhbətində Yuşşenko deyib ki, artıq parlamenti buraxmağa səlahiyyəti var. Çünki sentyabrın 3-də hakim koalisiya rəsmən dağılsa da, Konstitusiyada nəzərdə tutulmuş 30 gün ərzində yeni hökumətin formalaşdırılmasına dair razılaşma əldə olunmayıb. “Ona görə də mən oktyabrın 7-də məsləhətləşmələr təyin etmişəm, həmin günə qədər razılaşma əldə olunmasa öz səlahiyyətlərimdən istifadə etməli olacağam”. Yuşşenko əlavə edib ki, növbədənkənar parlament seçkiləri keçirilsə, indiki siyasi qüvvələr nisbəti ciddi dəyişməyəcək. Ona görə də Meksika serialları ilə məşğul olub 12 ayda bir seçkilər keçirməkdənsə milli prioritetlərdən çıxış edib koalisiya qurmaq lazımdır. Yuşşenko istənilən koalisiya formasını qəbul etməyə hazır olduğunu da deyib: “Əgər yeni koalisiya yaransa, mən baş nazir postuna yeni namizəd təqdim edəcəyəm”. Ukraynada baş nazir Yuliya Timoşenkonun rusiyameylli Regionlar partiyası ilə əlbir olaraq prezidentə qarşı impiçment prosedurunu sadələşdirən qanun layihəsini səsverməyə çıxarmasından sonra Yuşşenkonu dəstəkləyən “Bizim Ukrayna” bloku hakim koalisiyanın tərkibindən çıxdığını elan edib. Bununla da cəmi bir il əvvəl qurulmuş “narıncı” koalisiya dağılıb. Ötən bir ay ərzində Yuliya Timoşenko bloku ilə Regionlar partiyası, keçmiş spiker Vladimir Litvinin eyni adlı bloku və “Bizim Ukrayna” fraksiyası arasında koalisiyaya dair danışıqlar aparılsa da, nəticə əldə olunmayıb. Baş nazir Timoşenko isə bəyan edib ki, o demokratik qüvvələrin koalisiyasını bərpa etmək üçün prezidentin bütün şərtlərinə əməl etəyə hazırdır. Bir gün əvvəl Ukrayna parlamenti cəmi bir ay əvvəl qəbul edilən və hakim koalisiyanın dağılmasına səbəb olan qanun layihələrinin rədd edilməsinə səs verib. Həmçinin Timoşenko prezidentin Gürcüstan hadisələrinə dair rəsmi mövqeyini dəstəklədiyini bildirib. Bu, “narıncı” koalisiyanın bərpa olunması üçün şərtlərdən biri idi. Lakin prezidenti dəstəkləyən qüvvələr hələ ki baş nazirlə razılığa gəlməyib. Siyasət şöbəsi musavat

GUNAZ.TV

SON XƏBƏRLƏR