Moskva Raysın Qazaxıstan səfərini izləyir

SON XƏBƏRLƏR

Moskva Raysın Qazaxıstan səfərini izləyir

2021.10.20, 07:36

Gunaz.tv

Moskva Raysın Qazaxıstan səfərini izləyir

ABŞ Dövlət katibi Kondoliza Raysın Qazaxıstan səfəri Rusiya mətbuatı və ekspertlərinin diqqət mərkəzindədir. Müxbirimiz Eldar İsmayılzadə Moskvadan xəbər verir ki, əsas fikir ABŞ-ın Rusiyanın Mərkəzi Asiyadakı ən yaxın müttəfiqi sayılan Qazaxıstanda fəallığı Moskvada qısqanclıqla qarşılanması ilə bağlıdır. Mətbuata görə, Kondoliza Raysın "Rusiya Mərkəzi Asiyada heç bir xüsusi imtiyazlara malik ola bilməz" kəlməsi Moskvanı qıcıqlandırmaya bilməz. Düzdür, Moskvada işlə bağlı xüsusi rəsmi bəyanatlar etmirlər və bir çox şərhçilərin zənnincə, Rusiya özünün Qazaxıstandakı mövqelərində kifayət qədər əmindir. Moskvada dərc olunan "Vremya novostey" qəzeti yazır ki, xanım Raysın Astanaya qısa səfəri heç şübhəsiz Moskvada qısqançlıqla qarşılanacaq. Qəzet yazır ki, bu səfərin baş tutacağı haqda ancaq bir neçə gün qabaq xəbər yayılıb və bu Qazaxıstanın "beynəlxalq hüququn ən aparıcı prinsipi ərazi bütövlüyü prinsipinə" sadiq olması haqda bəyanatdan sonra baş verib. Rusiya mətbuatına görə, Qafqazlardakı son müharibədən sonra Moskva Astananı Cənubi Osetiya və Abxaziyanı tanımağa təhrik etməyə çalışır. İndi isə Astana tamamilə birmənalı şəkildə öz mövqeyini açıqlayıb. Mətbuat və şərhçilərə görə, bu Vaşinqtonla Astananın təmaslarına xoş fon verib. ABŞ Rusiya ekspertlərinə görə, bölgədə öz maraqlarını yeritməyə çalışır, Moskvadakı milli strateqiya institutundan Pavel Svyatenkov: "Qazaxıstan bölgənin başlıca ölkəsidir və ABŞ burada öz nüfuzunu qücləndirməyə çalışır. ABŞ Qazaxıstanı Rusiyaya alternativ enerji nəqli yollarına cəlb etməyə çalışır və bu da Moskvada narahatlıq doğurur", deyir Pavel Svyatenkov. "Nezavisimaya qazeta" nəşrinə görə, məhz enerji layihələri ABŞ-ın xüsusi narahatlığına səbəbdir, beləki, bu işdə Astanayla Moskvanın həmrəyliyi aydın görünür. Düzdür, Rusiya ekspertlərinin özləri bildirirlər ki, Astana heç də gözüyumlu Moskvanın dediyini etməyəcək, ölkənin rəhbərlərinin son bəyanatlarından məlum olur ki, Qazaxıstan çoxşahəli xarici siyasət yeridəcək. Hərçənd ki, moskvalı ekspert Əşdər Kurdovun fikrincə, bu siyasətdə Astana ilk növbədə öz yaxın nəhəng qonşularının maraqlarını nəzərə almalı olacaq: "Heç zaman Qazaxıstan Meksikanın yerində olmayacaq və ona görə onun ABŞ-la münasibətləri bir qədər başqa sxemlə qurulacaq. Qazaxıstan sərhədlərində həmişə Rusiya və Çin kimi böyük regional dövlətlər olacaq və Astana bu ölkələrin maraqlarını nəzərə almalı olacaq", deyir Əjdər Kurdov.bbc

GUNAZ.TV

SON XƏBƏRLƏR