Contact Us

SON XƏBƏRLƏR

QAMƏT SÜLEYMANOVDAN ŞOK AÇIQLAMA . Radikal qüvvələr bizi hakimiyyətə qarşı cihad elan etməyə çağırır

2021.10.20, 07:36
QAMƏT SÜLEYMANOVDAN ŞOK AÇIQLAMA . Radikal qüvvələr bizi hakimiyyətə qarşı cihad elan etməyə çağırır

Gunaz.tv
QAMƏT SÜLEYMANOVDAN ŞOK AÇIQLAMA “Radikal qüvvələr bizi hakimiyyətə qarşı cihad elan etməyə çağırır” 5646.jpg “Bizlərə qarşı təhlükə həmişə var və özü də bu təhlükə daxilə deyil, xarici dövlətlərə uzanır”. Əbu Bəkr məscidinin imamı Hacı Qamət Süleymanov bu sözləri “Turan”a “Meşə qardaşları” qrupu üzvlərinin həbsini şərh edərkən söyləyib. Onun sözlərinə görə, radikal dini qruplar çoxdan Əbu Bəkr məscidinin fəaliyyətindən narazıdırlar. Çünki məscid icması hazırkı ölkə hakimiyyətinin əleyhinə çıxmır. Eyni zamanda, dini radikallar Azərbaycanda hakimiyyətə qarşı cihad tələb edirlər. “Biz bu qrupların hədələrini illər boyu eşitmişik, təhlükə hələ də sovuşmayıb və bu mənada heç kəs təhlükədən sığortalanmayıb”, deyən imam hədələrin və radikal çağırışların məhz kimdən səsləndiyini dəqiqləşdirməyib. Q.Süleymanovun sözlərinə görə, “Meşə qardaşları” qrupu üzvlərinin həbsilə bağlı icma üzvlərindən heç kəs istintaqa dəvət olunmayıb və onlardan ifadə alınmayıb. Əbu Bəkr məscidinə gəlincə, o, hələ də fəaliyyət göstərmir, bu, məscid icması içində narahatlıq yaradır. “Biz ümid edirdik ki, Ramazan bayramı günlərində məscid fəaliyyətə başlayar və bayram namazını orada qılarıq, amma elə olmadı”, - deyə Q.Süleymanov qeyd edib. Onun sözlərinə görə, məscidin fəaliyyətinin bərpası üçün Dini Qurumlarla İş üzrə Dövlət Komitəsindən icazə almaq lazımdır. Dindarlar bu quruma artıq 5 dəfə rəsmi müraciət ediblər. Lakin hələ də cavab yoxdur. Q.Süleymanovun səhhətinə gəlincə, o, avqustun 17-də aldığı yaralardan sonra artıq yaxşılaşıb. Xatırladaq ki, həmin gün axşam namazı vaxtı naməlum şəxs məscidin pəncərəsindən qumbara atıb. Partlayış nəticəsində iki nəfər həlak olub və 13 nəfər yaralanıb. İstintaq iddia edir ki, bu terror aktını bir sıra digər cinayətlərdə də əli olan “Meşə qardaşları” dini qruplaşması törədib. Qrup üzvlərinin bir hissəsi həbs edilib. “Turan” musavat

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar