Ter-Petrosyanın İrəvan sınağı

SON XƏBƏRLƏR

Ter-Petrosyanın İrəvan sınağı

2021.10.20, 07:36

Gunaz.tv

Ter-Petrosyanın İrəvan sınağı

Ermənistan müxalifəti dünən paytaxt İrəvanda növbəti mitinq keçirib. Bu dəfə aksiyadakı nitq və çıxışlar əsasən şəhərin Kentron icmasına bələdiyyə sədrinin seçkiləri ilə bağlı olub. İrəvanın şimalında keçirilən mitinqin təşkilatçısı Erməni Ymummilli Hərəkatının funksioneri Aram Manukyan olub. O, "Ermənistanın müstəqil vətəndaşları, Erməni Milli Konqresinin üzvləri və Şimal prospektinin sakinləri" adlandırdığı mitinq iştirakçıları xitabən nitqində bildirib ki, aksiyanın başlıca məqsədi bələdiyyə sədrliyinə namizəd olan Ararat Zurabyana dəstək verməkdir. "Həmin seçkilər bizim növbəti qələbəmiz olmalıdır. Bu mitinq paytaxt meriyasının icazəsi olmadan təşkil edilsə də, aksiyamızı qətiyyən qanunsuz saymaq olmaq. Çünki biz sərbəst torplaşmaq azadlığımızdan yararlanırıq", - A.Manukyan deyib. Ondan sonra Hnçak Partiyasının sədri Lüdmila Sərkisyan danışıb və bildirib ki, seçkilərdə müstəqil, demokratik namizədin qələbəsi bütün ermənilərin demokratiya yolunda kiçik irəliləyişi sayıla bilər. Ölkənin ilk və sabiq prezidenti Levon Ter-Petrosyan da çıxış edib. Onun sözlərinə görə, Ararat Zurabyan 1999-cu ildə müxalifətdə olanda şəhərin mərkəzi bələdiyyəsinə seçkilərdə qalib gəlmişdi. "Bu səbəbdən də onun idarəçilik təcrübəsi var. Mən Zurabyanın potensialına və qələbəsinə inanır, Ketronun bütün sakinlərini ona səs verməyə çağırıram, - L.Ter-Petrosyan deyib. - Bu aksiya nə Erməni Milli Konqresi, nə də Erməni Ymummilli Hərəkatının aksiyası olmadığı üçün proseslərə siyasi qiymət vermək niyyətim yoxdur. Yalnız onu deyim ki, Ermənistan paytaxtının ən mühüm bələdiyyəsinin sədri postuna keçirilən seçkilərdə mütləq qalib gəlməli, qələbəmizi rəsmiləşdirməliyik". Erməni Milli Konqresinin koordinatoru Levon Zurabyan isə vətəndaşları müxalifət qüvvələrinin oktyabrın 17-də keçirəcəyi mitinqə çağırandan sonra bildirib ki, Ermənistanı antidemokratik hakimiyyət yox, terrorçu və bandit qruplaşması idarə edir: "Bu terrorçular Ermənistan vətəndaşlarını əsir alıblar". İrəvanın mərkəzindəki Ketron icmasının bələdiyyəsi Ermənistanın ən nüfuzlu, əhəmiyyətli icması sayılır. Prezident iqamətgahı, parlament, hökumət, əsas dövlət qurumları və aparıcı partiyaların qərargahları məhz bu bələdiyyənin ərazisində yerləşir. Müşahidəçilər hesab edirlər ki, Kentron bələdiyyəsinə bu gün keçiriləcək seçkilər həm də Levon Ter-Petrosyan üçün 1 mart hadisələrindən sonra ən ciddi sınaqdır. Həsən AĞACAN express

GUNAZ.TV

SON XƏBƏRLƏR