Çin taykonavt kosmosa çıxdı

SON XƏBƏRLƏR

Çin taykonavt kosmosa çıxdı

2021.10.20, 07:36

Gunaz.tv

Çin taykonavt kosmosa çıxdı

Çinin orbital fəzada olan "Şençju-7" kosmik gəmisinin heyətinin üç üzvündən biri olan 52 yaşlı Çjay Çjiqan dünən açıq kosmosa çıxıb. Çinli taykonavtın gəmidən kənardakı "gəzinti"sinin 20-30 dəqiqə davam edəcəyi planlaşdırılsa da, Çjiqan fəzada cəmi 15 dəqiqə olub. Havasız orbitdə o, Çinin bayrağını yelləyib, gəminin xarici tərəfində avadanlığın quraşdırılmasını başa çatdırıb və uğurla gerii dönüb. Dünyada ilk dəfə Çinin açıq kosmosa adam çıxarmasının Pekindəki Uçuşların İdarəolunması Mərkəzindən ölkənin ali rəhbərliyi, o cümlədən Çin Xalq Respublikasının sədri Xu Szintao müşahidə ediblər. Çjiqanın əynində çəkisi 120 kq, qiyməti isə $4 milyon olan "Feytyan" skafandrı olub. Bu "kosmik kostyum" Çində Rusiya texnologiyalarından istifadə etməklə hazırlanıb. Çin ölkənin şimal-qərbində. Qansu vilayəti və Daxili Monqolustan muxtar rayonu arasındakı sərhəddə yerləşən "Szyuszyuan" kosmodromundan indiyədək kosmosa 41 süni peyk və 7 pilotu kosmik gəmi çıxarılıb. Çinin kosmosu fəth tarixi isə 1956-cı ilin oktyabrın 8-də, Müdafiə Nazirliyində raket tədqiqatları ilə mşəğul olan V Akademiyasının yaradılması ilə başlayır. 1964-cü ildə "Səmaaltı İmperiya" kosmosa içində iki siçan olan raket, 1970-ci ilin aprelində isə ölkənin ilk süni peyki olan "Dunfanxun-1" ("Al-qırmızı Şərq-1"), 2003-cü ilin oktyabrın 15-də isə ilk pilotlu "Şençjou-5" kosmik aparatını çıxarıb. ------------------------------------------------------------------------------ Ayrılığa aparan toy

Ağ libaslı gəlin sərhədi keçərək 24 illik yaşamı, ailəsi, xatirələri və vətəni ilə əbəli vidalaşdı. O bəlkə nə zamansa dönə bilər. Fəqət dönüş yalnız vətəninin işğaldan qurtulmasından sonra baş tutasıdır. İsrailin 1967-ci ildə "Altıgünlük Savaş"da işğal etdiyi Holan təpələrindəki Əyn Kinya kəndini sakini druz Arin Səfadi üç ay əvvəl əmioğlusu, İordaniyada yaşayan suriyalı iş adamı Ravia Səfdi ilə ilə tanış olub. Tanışlıqdan sonra Ravianın ata-anası Suriyadan telefonla zəng vuraraq Arini ata-anasından istəyiblər, telefonla da nişan "mərasimi" keçirilib. Xatırladaq ki, Suriya və İsrail müharibə vəziyyətindədir: iki ölkənin vətəndaşlarına sərhədi yalnız bir dəfə keçməyə icazə verilir. Sərhəd keçildimi, adam əsla geri qayıda bilməz. "Bütün bunları bildiyim üçün çox qəmginəm. Nəslimi, ata-anamı əbədi burada qoyub gedirəm. Amma Suriyada qohumlarımla görüşəcəyimə çox sevinirəm", - gəlin göz yaşları içində deyib. Təzə bəy isə daha konkret danışıb: "Nəhayət ki, o buraya gəldi. Ymid edirəm ki, Holan təpələri yaxın vaxtlarda Suriyaya qaytarılacaq və aramızdakı bütün sədlər darmadağın olacaq".

GUNAZ.TV

SON XƏBƏRLƏR