Contact Us

SON XƏBƏRLƏR

Politoloqlar Sərkisyanın təklifini real saymırlar_Rasim Musabəyov: «Ermənistan öncə Azərbaycanın beynəlxalq ictimaiyyət tərəfindən qəbul edilmiş sərhədlərini tanımalıdir»

2021.10.20, 07:36
Politoloqlar Sərkisyanın təklifini real saymırlar_Rasim Musabəyov: «Ermənistan öncə Azərbaycanın beynəlxalq ictimaiyyət tərəfindən qəbul edilmiş sərhədlərini tanımalıdir»

Gunaz.tv
Politoloqlar Sərkisyanın təklifini real saymırlar Rasim Musabəyov: «Ermənistan öncə Azərbaycanın beynəlxalq ictimaiyyət tərəfindən qəbul edilmiş sərhədlərini tanımalıdir» khbekyjx.gif Zərdüşt Əlizadə: «Azərbaycan nəhayətdə öz torpaqlarını işğaldan azad edib investisiya qoymalıdır» «Əgər Azərbaycan Dağlıq Qarabağa investisiya qoymağa çalışsa, o zaman bəlkə oranın əhalisi Azərbaycanın tərkibində qalmağa razılıq verər». Xəbər verildiyi kimi, bu açıqlamanı Ermənistan prezidenti Serj Sərkisyan verib. Qarabağ probleminin həlli variantları barədə danışan Ermənistan prezidenti Dağlıq Qarabağ xalqının öz müqəddəratını təyin etmək hüququnun tanınmalı olduğunu vurğulayır. Onun sözlərinə görə, bu xalq min illər boyu bu ərazilərdə yaşayıb və bundan sonra da təhlükəsiz yaşaması təmin olunmalıdır. S.Sərkisyan Qarabağ xalqının Azərbaycan tərkbində təhlükəsiz yaşamasının mümkün olmadığını xüsusi vurğulayıb. Bununla belə, Qarabağın Azərbaycan tərkbində qala bilməsinə toxunan Ermənistan prezidenti bunu referendum vasitəsilə müəyyən etməyin mümkünlüyünü söyləyib: «Mən Azərbaycan prezidenti İlham Əliyevə təklif etmişəm ki, mövcud durumda Qarabağın xoş güzəranı, təhlükəsiz yaşayışı və gələcəyində Azərbaycanın ciddi marağı olduğunu göstərmək üçün Qarabağa investisiyalar qoymağa çalışsın». «Ermənistan prezidenti Serc Sarkisyanın Azərbaycanın Dağlıq Qarabağa investisiya qoyması ilə bağlı təklifi dünya ictimaiyyətini çaşdırmağa xidmət edir. Ermənistan ilk öncə Dağlıq Qarabağ da daxil olmaqla Azərbaycanın beynəlxalq ictimaiyyət tərəfindən qəbul edilmiş sərhədlərini tanımalıdir». Bunu isə politoloq Rasim Musabəyov «Turan»a Sərkisyanın açıqlamasını şərh edərkən bildirib. Onun fikrincə, Ermənistan öncə mahiyyəti qəbul edilməyən referendum təklifini ortaya atır, sonra isə bunu Azərbaycana onun öz pulu ilə satmaq istəyir. Politoloq Zərdüşt Əlizadə isə hesab edir ki, Azərbaycan nəhayətdə öz ərazisi olan Dağlıq Qarabağa da investisiya qoymalıdır: «Ermənistan prezidentinin dedikləri ağılı sözlərdir. Azərbaycan nəhayətdə öz ərazilərini işğaldan azad edib investisiya qoymalıdır». bizimyol

SEÇİLMİŞ XƏBƏRLƏR

Çox oxunanlar