Contact Us

SON XƏBƏRLƏR

Ərdəbil divarlarında “26 Azər” mədəni soyqırımı haqda qrafit yazılar... - GÖRÜNTÜ

2021.10.20, 07:36
Ərdəbil divarlarında “26 Azər” mədəni soyqırımı haqda qrafit yazılar... - GÖRÜNTÜ

Gunaz.tv

GünAz TV: Güney Azərbaycanın Ərdəbil şəhərində divarlara “26 Azər” mədəni soyqırımını qınayan şüarlar yazılıb.

 

Şəkillərdə bir çox şüarın qrafit texnikası ilə yazıldığı görünür.

 

“26 Azər baycan – Mədəni soyqırımı”, “Yandırılan kitablarla məni də yandırın” və s. kimi şüarlara şəhərin müxtəlif yerlərində rast gəlinir.

 

1945-ci il dekabrın 12-də (1324-cü il azərin 21-də) Seyid Cəfər Pişəvərinin başçılığı ilə Təbrizdə Azərbaycan Milli Hökuməti qurulub. Bu tarixi gün Azərbaycan tarixinə “21 Azər Hərəkatı” kimi düşüb.

 

Milli hökumət qurulduqdan dəqiq bir il sonra xarici himayədarlarının köməyilə Pəhləvi rejiminin ordusu tərəfindən devrilib. Həmin vaxt onminlərlə soydaşımız öldürülüb, qaçqın olub və ya sürgünə göndərilib. Eyni zamanda fars şovinistləri bir il müddətində çap olunmuş Azərbaycan türkcəsindəki bütün kitabları şəhərlərin meydanlarında tonqal qalayaraq yandırıblar. 1946-cı il dekabrın 17-də (1325-ci il azərin 26-da) baş verən mədəni soyqırım “Yandırılmış Kitablar Günü” adı ilə xatırlanır, Güney Azərbaycanda bununla bağlı hər il müxtəlif tədbirlər həyata keçirilir.

 

 

 

 

 

 

 

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar