Contact Us

SON XƏBƏRLƏR

Əli Laricani İranın Livan iqtisadiyyatına hər cür maddi yardım etməyə hazır olduğunu bəyan edib

2021.10.20, 07:36
Əli Laricani İranın Livan iqtisadiyyatına hər cür maddi yardım etməyə hazır olduğunu bəyan edib

Gunaz.tv

GünAz TV: Livanın Prezident Aparatı İranın bu ölkənin böhrani vəziyyətə düşmüş iqtisadiyyatına hər cür maddi dəstək olmağa hazır olduğunu bəyan etdiyi barədə məlumat yayıb.

 

Məlumatda qeyd edilir ki, ötən gün Livan prezidenti Mişel Aun ilə Əli Laricani arasında rəsmi görüş keçirilib. Görüş əsnasında Laricani rəsmi Tehranın yeni Livan hökumətinə iqtisadi vəziyyətinin yaxşılaşması üçün hər cür kömək etməyə hazır olduğunu bəyan edib.

 

Qeyd etmək lazımdır ki, İran Milli Məclisinin spikeri Əli Laricani fevralın 16-sı, axşam saatlarında Livana rəsmi səfər edib. O, ötən gün səfər çərçivəsində bu ölkənin bir neçə rəsmisi, eləcə də prezident Mişel Aun ilə görüş keçirib.

 

Əli Laricaninin öz ölkəsində insanların ağır vəziyyətdə olmasına baxmayaraq, Livana iqtisadi yardım təklif etməsi onu göstərir ki, iranlı rəsmilər əhalinin etirazlarına cavab olaraq “sanksiyalara görə büdcədə pul yoxdur” deməklə, öz millətini aldadırlar. Ötən 2 ilə yaxın müddətdə İranda cəmiyyətin müxtəlif təbəqələrindən olan insanlar işsizlik, əmək haqlarının verilməməsi, iqtisadi ağır vəziyyət, bahalıq və digər bu səbəblərə görə yüzlərlə etiraz aksiyası keçiriblər. İran rejimi isə etirazçıların tələblərini yetirmək əvəzinə, “sanksiyalara görə büdcədə pul yoxdur” yalanını deməklə, onları ya noyabr etirazlarındakı kimi qətliam edir, ya da tutaraq, uzun müddətli həbs cəzalarına məhkum edir.

 

Laricaninin bu bəyanı bir daha göstərir ki, İran rejimi öz xalqının pullarını oğurlayaraq, digər ölkələrdə öz maraqları istiqamətində xərcləyir.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar