Qərbi Azərbaycanın Çaldıran əhalisi: “Baba Əhməd” bəndi nə zaman istifadəyə veriləcək?!

SON XƏBƏRLƏR

Qərbi Azərbaycanın Çaldıran əhalisi: “Baba Əhməd” bəndi nə zaman istifadəyə veriləcək?!

2021.10.20, 07:36

Gunaz.tv

GünAz TV: Qərbi Azərbaycan Əyalətində yerləşən sərhədyanı Çaldıran məntəqəsinin əhalisi illər öncə təməli qoyulmuş “Baba Əhməd” su bəndinin istifadəyə verməsini gözləyir, bu məsələ əhali ilə yanaşı yerli məsulların da etirazına səbəb olub.

Əkinçilərin səbirsizliklə gözlədiyi layihə büdcə vəsaiti çatışmazlığından bir neçə ildir ki, yarımçıq buraxılıb.

Məsələyə münasibət bildirən Çaldıran Şəhər İcra Hakimiyyətinin başçısı Həsən Məhəmmədzadə işlərin maliyyə sıxıntısı ucbatından dayandırıldığını təsdiqləyib.

“Bu layihənin təməli 2016-cı ildə qoyulub. Bəndin bir il içində istifadəyə verilməsi gözlənilirdi. Bu bənd 604 hektar əkin sahəsinə su çatdırmalı idi. Əkinçilər bəndin istifadəyə verilməsini gözləyir. Lakin bu, büdcə vəsaiti çatışmazlığından mümkün olmur.”- deyə o bildirib.

Layihə çərçivəsində işlərin 90 faizinin görüldüyünü bildirən Şəhər İcra Hakimiyyətinin başçısı bəndin istifadəyə verilməsi üçün ən azı 38 milyard rial məbləğində vəsaitə ehtiyac olduğunu diqqətə çatdırıb.

Qeyd edək ki, son illərdə Güney Azərbaycanın bütün əyalətlərində çox sayda tikinti və inşaat layihələri yarımçıq buraxılıb. Layihələrin istifadəyə verilməməsi dövlətin büdcə vəsaiti ayırmaması ilə bağlıdır.

N.S

GUNAZ.TV

SON XƏBƏRLƏR