Contact Us

SON XƏBƏRLƏR

Tehran hava hücumundan müdafiə sipəri yaratmağa şalışır

2021.10.20, 07:36
Tehran hava hücumundan müdafiə sipəri yaratmağa şalışır

Gunaz.tv

GünAzTv: İranın müdafiə naziri bəyan edib ki, Tehran uzaqmənzilli raketlərdən ibarət hava hücumundan müdafiə sistemi yaratmağı planlaşdırır.

GünAzTv mətbuat mərkəzinin BBC-yə istinadən yaydığı məlumata görə, İranın Fars Körfəzindəki Kiş adasında keçirilən aviasiya sərgisindən sonra çıxış edən general-mayor Əhməd Vahidi deyib ki, belə bir sistemin yaradılması üçün vaxt cədvəli artıq təyin edilib:

"Uzaqmənzilli havadan müdafiə sipəri bizim gündəliyimizdədir, - deyib general, - Əlbəttə, buna vaxt lazım olacaq, lakin Allah qoysa, bu işlər müəyyən edilmiş vaxt çərçivəsində başa çatdırılacaq."

Rusiyanın RİA Novosti xəbər agentliyi bildirir ki, Tehran bu qənaətə Moskva ona S-300 tipli raketləri satmaqdan imtina etdikdən sonra gəlib.

Xatırladılır ki, Rusiya İranla 2007-ci ildə S-300PMU-1 raket sisteminin beş batalyonunu satmaq barədə saziş imzalasa da, sonradan BMT Təhlükəsizlik Şurasının sanksiyalarına qoşularaq sövdələşmədən imtina etdi.

Briqada generalı Məhəmmədhəsən Mənsurian deyib ki, ABŞ və İsrail tərəfindən təzyiqlər Tehranı belə bir addım atmağa məcbur edir.

General deyib ki, prinsip etibarilə S-300-ləri xatırladan bu sistemə daxil olacaq Mersad və Şahin raketləri yaradılacaq.

Ruisya mənbələri xəbər verirlər ki, Moskva yaxınmənzilli raketlərdən ibarət havadan müdafiə sistemi olan Tor-M1-lərdən 29-nu İrana hər halda 2005-ci ildə 700 milyon dollara satıb və hətta Rusiya hərbi müşavirləri sistemlə işləmək üçün İran hərbçilərinə təlim də keçiblər.

SEÇİLMİŞ XƏBƏRLƏR

Çox oxunanlar