Ələmülhoda: Danışıqlar aparan nümayəndələrə danışıqlar aparmağa icazə verilməmişdi

SON XƏBƏRLƏR

Ələmülhoda: Danışıqlar aparan nümayəndələrə danışıqlar aparmağa icazə verilməmişdi

2026.10.03, 17:05

Gunaz.tv

Məşhəd şəhərinin cümə imamı Əhməd Ələmülhoda bəzi İran rəsmilərinin Nyu-Yorkda ABŞ-la danışıqlar aparmasını İran rəhbərinin göstərişinə zidd hesab edib.

Əhməd Ələmülhoda Məşhəddə cümə namazı xütbələrində deyib: “Təəssüf ki, bizim bəzi əzizlərimiz ABŞ-a müraciət və danışıqlar zamanı elə bir poza verirlər ki, Amerika bundan istifadə edir və bunu dünyada yayır ki, bunlar danışıqlar aparmaq və müharibənin başa çatmasını istəyirlər və buna ehtiyacları var, biz yox.”

O əlavə edib: “Bu, yaxşı fikir deyil və belə poza vermək yanlışdır. Nyu-Yorka gedən şəxslərlə bağlı məsələdə rəhbər danışıqlara icazə vermədi və yalnız göstəriş verdi ki, bu yeddi şərti ABŞ-a elan edin. Onun göstərişi şərtlərin elan edilməsi ilə bağlı idi, danışıqlara yox. Orada danışıqlar aparan şəxslər rəhbərin göstərişinə zidd hərəkət ediblər.”

Ələmülhoda bildirib: “Ali Milli Təhlükəsizlik Şurasının katibi də bu məsələni qeyd edib ki, rəhbərin göstərişi yalnız şərtlərin ABŞ-a bildirilməsi və çatdırılması ilə bağlı olub və danışıqlara icazə verilməyib.”

Beləliklə, Məşhədin cümə imamı bəzi İran rəsmilərinin Nyu-Yorkda iştirakı və ABŞ-la danışıqlar aparmasının İran rəhbərinin müəyyən etdiyi mandatdan kənara çıxdığını iddia edib.

Gunaz TV
R.G

GUNAZ.TV

SON XƏBƏRLƏR