İran MAQATE-ni də cəsus adlandırdı

SON XƏBƏRLƏR

İran MAQATE-ni də cəsus adlandırdı

2021.10.20, 07:36

Gunaz.tv

GünAzTv: İran Atom Enerjisi üzrə Beynəlxalq Agentlik MAQATE-ni nüvə proqramı ilə bağlı bəzi məxfi məlumatları Amerikaya sızdırmaqda günahlandırıb.

1979-cu ildən indiyədək İrana qarşı tətbiq edilən sanksiyalar əsasən texniki xarakter daşıyır və Amerika rəhbərliyi bu sanksiyaların müddəti bitəndə onu artırır. Barak Obama qərarını ABŞ-la İranın münasibətlərinin indiyədək normallaşmaması və İranın nüvə texnologiyasına davam etməsi ilə əsaslandırıb. Bu arada İranın BMT-nin qadın haqlarını müdafiə edən yeni icraçı şurasına üzvlük üçün irəli sürdüyü namizədlik keçməyib. Amerika Birləşmiş Ştatları, Qərb ölkələri, habelə İranda qadınlarla rəftara etiraz edən insan haqları qruplarının güclü müqaviməti buna mane olub. İran isə Atom Enerjisi üzrə Beynəlxalq Agentlik MAQATE-ni nüvə proqramı ilə bağlı bəzi məxfi məlumatları Amerikaya sızdırmaqda günahlandırıb. İran prezidenti Mahmud Əhmədinejat bəyan edib ki, MAQATE müfəttişlərinin nüvə obyektlərində təhqiqatına icazə verilməməsi məhz bununla bağlıdır.

Əhmədinejat:"Atom Enerjisi Agentliyi nüvə obyektləri ilə bağlı bəzi məlumatları Amerikaya ötürüb. Bu, qəbuledilməzdir. Buna görə də, MAQATE müfəttişlərinin araşdırmalarına imkan vermirik. Altılıqla danışıqlara gəlincə, onlar İranın nüvə fəaliyyətinin MAQATE-nin nəzarətində davam etdirilməsinə qərar verə bilər. Bununla bağlı əlavə protokl da ola bilər. Lakin bunu da heç cür qəbul edə bilmərik”.

İranın xarici işlər naziri Mənuçehr Möttəki isə nüvə danışıqlarının Türkiyədə aparılmasının dünyada sülhün bərqərar edilməsinə töfhə olacağını bildirib. Onun fikrincə, nüvə silahı olmayan bir ölkədə danışıqların aparlıması yalnız müsbət nəticələr doğurar. ABŞ-ın Xarici Siyasət İdarəsi rəhbəri Hillari Klinton isə misirli həmkarı ilə keçirdiyi mətbuat konfransında buna qərar verəcək şəxsin altılığın danışıqlarında iştirak edən Avropa İttifaqının Təhlükəsizlik və Xarici Siyasət Məsələləri üzrə komissarı Ketrin Eşton olacağını bildirib: “İranın nüvə proqramı ilə bağlı danışıqların nə vaxt və harda davam etdirilməsinə Avropa İttifaqı komissarı Ketrin Eşton qərar verməlidir. Bu məsələ müzakirə olunub. Danışıqlar hələ də davam edir. Əminəm ki, xanım Eşton nüvə proqramı ilə bağlı altılığın iranla danışıqlarının harda keçiriləcəyinə qərar verdikdən sonra bu barədə rəsmi Tehranı məlumatlandıracaq.”

Qeyd edək ki, İran danışıqların noyabrın 15-də keçirilməsi təklifi ilə çıxış edib. İTV

GUNAZ.TV

SON XƏBƏRLƏR