Demirchi Qrupu Avropada konsert verib

SON XƏBƏRLƏR

Demirchi Qrupu Avropada konsert verib

2021.10.20, 07:36

Gunaz.tv

GünAzTv: Cənab Həsən Dəmirçinin üçüncü İsveç gastrol səfəri də, iki daha öncə baş tutmuş səfərləri kimi yadda qalan və çox uğurlu oldu.

Güney Azərbaycanın paytaxtından gələn qonaqlara rəhbərlik edən Həsən Dəmirçi cənabları, sanki hər gəlişdə millətimizin güney parçasının mədəni inkişafından, Avropada yaşayan soydaşlarımız qarşısında hesabatını təqdim edir. Sanki cənab Dəmirçi "budur, bu Təbrizdir! Bu paytaxtımızın saz söhəbətidir!" deyir.

11 səntyabr 2010 axşamı, Stokholmun möhətəşəm "Södra Teatərn" böyük zalı Təbriz havası və Azərbaycan nəvasıyla müəttər olmuşdu. İsveçdə yaşayan quzeyli soydaşlarımızın və arasıra isveçli Azərbaycan sevər və musiqi sevərlərin də qatıldığı bu yadda qalan axşamda, Təbrizimizin təslim olmadığı, yaşadığı və yaratdığı haqda xəbərləri, tardan kamançadan və vokalistlərimizdən eşitdik. Sürəkli alıqışlarla müşayiət olan bu əzəmətli hesabat vermək mərasimində, hər iki qabağkı səfərlərdən daha rəngarəng və daha dərin duyğular oyadan əsərlərin səsləndiyinə şahıd olduq. Üçüncü səfərin repertuarı qat-qat zəngin və fərqli idi. Dəmirçi cənabları sanki bizi, paytxımızın hələ də coşduğuna, hələ də yaşadığına əmin etədi. Deməli, bir zaman dirijorluq çubuqlarını Cahangir Cahangirovun əlində gördüyü indi dumana bürünmüş əfsanə kimi yadda qalan Təbriz yaşayır və yaradır.

Zerzəmilərdə və darqaların daimi hədə-qorxuları altında təəlim almış ustadlarımız, bugün ustadın müşayiətində, azad və gözəl Stokholmda, azad Baltık dənizinin bir-iki yüz metirliyində, "Biz varıq! Biz həmişə var olmuşuq və həmişə qalacayıq!" deyə səsləndilər və öz səslərinə, vətənlərini unutmamış vətən evəladının səs-səsə verməsinə şahıd oldular.

Səməd Behərnəgi, doktor Cavad Heyət, Doktor Həmid Nitqi, Doktor Məhəmədəli Fərzanə və doktor Məhəmməd Təqi Zehtabının adlarını çəkən mədəniyyət ustadı, sanki bu ustadların hərəsindən salonda bir möhətəşəm portert asdı.

Darqalar hakimiyyətində, ağır nəfəs çəkilən bir mühitdə tələbə toplayan, istedad tapıb, yetişdirməyi bacaran, sabahkı Güney Azərbaycan konservatuvarların prototipini bu qaranlıq illərdə yaratmağı bacaran ustad, öz yetirmələrindən sanı san görürdü bugün.

Bir-birıinin ardınca fərdi ustalıqlarını nümayiş etdirən gənc ustalar, qocaman ustadın, ləyaqət və fədakarlıqlarına həm sübut itdlər və həm ustadın baş ucalığına canlı sübutdırlar. Afrin (Alqışlar olsun sənə) Təbriz, afrin (Alqışlar olsun sənə) güney baş kəndimizə, afrin (Alqışlar olsun sənə) ey ustad və afrin (Alqışlar olsun) sənin istedadlı tələbələrinə.

Qaynaq: Azad tribun

GUNAZ.TV

SON XƏBƏRLƏR