İranın “Xobrəqan məclisi”-də fikir ayrılığı yaranıb

SON XƏBƏRLƏR

İranın “Xobrəqan məclisi”-də fikir ayrılığı yaranıb

2021.10.20, 07:36

Gunaz.tv

GünAzTv: 13 sentyabr tarixdə İranda “Xobrəqan Məclisinin” iclası işə başlayıb. İclasın nəticələrindən asılı olmayaraq bir neçə gündür ki, nümayəndələr arasında mübahisələrin yaranması xüsusi diqqət çəkib.

Hakimiyyətin müxaliflərindən olan müctəhid Ayətullah Dəstqeb Xübrəqan Məclis üzvlərinə açıq məktub ünvanlayaraq onlardan konstitusiyaya dəqiq əməl etmələrini istəyib.

Fars vilayətindən bu məclisə üzv seçilən Dəstqeyb sentyabrın 11-də yazdığı açıq məktubda prezident seçkilərindən bir il keçməsinə baxmayaraq xalqın bir çox hissəsinin hələ də hüquqlarını tələb etməsini bildirərək, “Məclisi-Xobrəqan” üzvlərinə sualla müraciət edib və soruşur: “bunu görən və hiss edən biz Xübrəqan nümayəndələri öz dini və milli vəzifələrimizə əməl etmişikmi?”. “Məclisi-Xobrəqan”ın müxalif üzvü indiki sakitliyin yalnız qorxu və polis gücünə mümkün olduğunu vurğulayaraq, bir çox dini alim və müctəhidlərin indiki vəziyyətdən narazı olduğunu qeyd edib.

Son günlərdə Ayətullah Dəstqeybə təzyiqlər artmaqdadır. Onu dini xadimlərin məhkəməsində mühakimə edilməsi məsələsi belə gündəmə gətirilib. Bəzi siyasi-dini xadimlər onun Xobrəqan məclisindəki səlahiyyətlərinin əlindən alınması barədə çıxış da edib. Şirazda onun tərəfdarlarının məscidi olan “quba” məscidinə hücumlar təşkil olunub. Bu hücumlar zamanı polis onun tərəfdarlarından 5 nəfərini həbs edib, 8 nəfər isə məhkəməyə göndərilib.

Xatırladaq ki, son prezident seçkilərindən sonra Ayətullah Dəstqeyb Musəvi və Kərrubini dəstəkləmişdi. Seçkilərdən sonrakı Xobrəqanın ilk iclasında hakimiyyətin əməllərini tənqid etmiş və Ali Dini Rəhbəri vəzifələrini yerinə yetirməməkdə günahlandırmışdı.

Dəstqeyb Xobrəqanın bu gün başlayacaq iclasında çıxış edəcəyini bildirmişdi. Lakin Xameneinin tərəfdarları onun iclasa getməsini əngəlləməyə çalışacaqları barədə bəyanatlar veriblər.

Göründüyü kimi Xobrəqanın bu iclası qalmaqallı olacaq. Amma hökumət dairələri bu qalmaqalları yatırtmağa çalışacaq. Buna baxmayaraq Ali Dini Rəhbər və hökumət tənqidlərdən qurtula bilməyəcəklər. Din xadimlər arasında yaranmış ikiyə bölünmə Xobrəqanda özünü daha çox biruza verməkdədir.

Qeyd edək ki, Xobrəqanın əsas vəzifəsi Ali Dini Rəhbəri seçmək və onun fəaliyyətinə nəzarət etməkdən ibarətdir. Amma indiyə qədər bu məclis bütün iclaslarında təyin etdiyi rəhbəri tərifləmək və onu dəstəkləməklə kifayətlənib. Araztm

GUNAZ.TV

SON XƏBƏRLƏR