Yenə oxullar (məktəblər) açılır

SON XƏBƏRLƏR

Yenə oxullar (məktəblər) açılır – ŞEİR

2021.10.20, 07:36

Gunaz.tv

GünAzTv: Yaxın günlərdə (sentyabr ayının 23-u , Mehr ayının 1-i) İran və Güney Azərbaycanda təhsil ocaqları açılır.

Bütün təhsil ocaqları o cümlədən ibtidai məktəblərdə yalnız və yalnız İranda azınlıqda olan Fars millətinin dilində dərsliklər tədris olunacaq.

Digər millətlərin nümayəndəsi xüsusi ilə kiçik uşaqlar isə bu vasitə ilə məktəblərə daxil olduqları andan, özlərindən yadlaşmalı və farslaşmalıdırlar.

Bu münasibətlə görkəmli şairimizin marağlı şeirini oxumaq yerinə düşərdi:

Yenə oxullar açılır

Öyrətməyə yadlaşmağı

Yurdumuzun balaları

Özgə dildə ağzın əyə

Yenə başlır göz önündə

Kimliyimiz talan olsun

Füzulinin Nəsiminin

Çiçək dolu bağı solsun

Doğma dadlı yuxumuzu

Yad istəyir xab eyləsin

Aynabulaqların suyun

Bulandırıb ab eyləsin

Bacı-Qardaş unudulsun

Əziz anam madər olsun

Heydər baba qan ağlasın

Şəhriyarın gözü dolsun

Xəzan çağı bağlar kimi

Varlığımız yarpaq tökür

Öz dilimiz susdurulur

Özgə dili qulaq sökür

Yenə oxullar açılır

Varlığımız dostaq ola

Talan olan yurdumuzda

Anadilim yasaq ola

İsmail Cəmili

GUNAZ.TV

SON XƏBƏRLƏR