Contact Us

SON XƏBƏRLƏR

Basketbol üzrə dünya çempionatına Türkiyə və Litva damğası

2021.10.20, 07:36
Basketbol üzrə dünya çempionatına Türkiyə və Litva damğası

Gunaz.tv

GünAzTv: Türkiyədə keçirilən basketbol üzrə dünya çempionatına yekun vurulub. finalda təşkilatçı ölkə yığması ilə ABŞ (Amerika Birləşmiş Ştatları)  millisi üz-üzə gəlib. GünAzTv mətbuat mərkəzinin Lent.az-a istinadən yaydığı məlumata görə, Qarşılaşma amerikalıların üstünlüyü şəraitində keçib. Bunun məntiqi nəticəsi kimi ABŞ 81:64 hesabı ilə qalib gələrək, tarixində 4-cü dəfə dünya çempionu olub. “12 Dev Adam” isə ilk dəfə dünya çempionatını gümüş medalla başa vurub. Bürünc medala 3-cü yer uğrunda görüşdə Serbiyanı 99:88 hesabı ilə yenən Litva layiq görülüb. Bu, Baltikyanı ölkə yığmasının dünya çempionatları tarixində ilk medalı olub. 2006-cı il dünya çempionatının qalibi İspaniya bu dəfə Argentinaya 81:86 hesabı ilə uduzaraq, 6-cı yerlə kifayətlənib. Rusiya isə Sloveniya üzərində 83:78 hesablı qələbə sayəsində 7-ci olub. Sayca 16-cı dəfə keçirilən dünya çempionatının simvolik “5-liy”inə isə Miloş Teodosiç (Serbiya), Hidayət Türkoğlu (Türkiyə), Kevin Dürant (ABŞ), Linas Kleyza (Litva) və Luis Skola (Argentina) daxil olub. Skola hamıdan çox – 244 xal yığıb. Dürant orta məhsuldarlığa görə hər oyuna 22,8 xalla 3-cü yeri tutub. Teodosiç hər oyuna 5,6 məhsuldar ötürmə xalı ilə çempionatın liderlərindən biri sayılıb. Ən qiymətli oyunçu nominasiyasında isə Dürant hamını qabaqlayıb. Qeyd edək ki, növbəti dünya çempionatı 2014-cü ildə İspaniyada təşkil ediləcək.

SEÇİLMİŞ XƏBƏRLƏR

Çox oxunanlar