Contact Us

SON XƏBƏRLƏR

Ermənilər İrandan taxıl daşımağa başlayıblar

2021.10.20, 07:36
Ermənilər İrandan taxıl daşımağa başlayıblar

Gunaz.tv

GünAzTv: Rusiya taxıl ixracına qadağa qoyandan sonra Ermənistan şirkətləri İrandan idxala başlayıb.

Ermənistanın kənd təsərrüfatı naziri Gerasim Alaverdyan bildirib ki, artıq “Manço-qrup” şirkəti bu günlərdə 10 min ton ərzaq buğdasının alınmasıyla bağlı müqavilə imzalayıb. Taxılın ilk partiyası ölkəyə gətirilib və daşıma iritutumlu avtomobillərlə aparılır. Rəsmi məlumatlara görə, Ermənistan hər il yarım milyon ton buğda idxal edir. Azərbaycan və Türkiyə ilə sərhədləri bağlı olan Ermənistan iqtisadi əlaqələrini əsasən Gürcüstan üzərindən Rusiya və cənubdan İranla qurub. Bu gün Ermənistanın istehlak mallarına və ərzağa olan tələbatının böyük bir hissəsini İran təmin edir. Rəsmi məlumatlara görə, 2009-cu ildə 2 ölkə arasında ticarət dövriyyəsi 250 milyon dollar təşkil edib. Bu dövrdə İrandan Ermənistana 231 milyon dollarlıq, Ermənistandan İrana isə cəmi 19 milyon dollarlıq mal göndərilib. Artıq 1 ildir ki, Ermənistan cənub rayonlarının qaza olan tələbatını da İrandan idxal hesabına təmin edir. Bu ilin sonuna qədər İran-Ermənistan kəməriylə gündəlik nəql həcmi 4 milyon kub metrə çatdırılacaq. Öz növbəsində rəsmi İrəvan alınan qazın dəyərini pulla deyil, elektrik enerjisiylə ödəyir. İki ölkə bundan başqa Araz çayı üzərində birgə Su Elektrik Stansiyasının inşası layihəsinə də hazırlaşır. Yaxın günlərdə 350 milyon dollarlıq layihənin təməlinin qoyulacağı gözlənilir. 140 meqavatlıq "Mehri" SES-i İran tərəfinin sərmayəsi hesabına işə salınacaq. Ermənistan həmin vəsaiti də elektrik enerjisiylə qaytaracaq. Bununla yanaşı İran-Ermənistan dəmir yolunun inşası da gündəlikdədir. Apreldə İran və Ermənistan nəqliyyat nazirlərinin imzaladığı sazişə əsasən, artıq gələn ilin yazında yeni nəqliyyat dəhlizinin inşasına başlanılacaq. İlkin qiymətləndirmələrə görə, İran ərazisində 60, Ermənistanda isə 400 km uzunluğunda yeni yol çəkiləcək. Rəsmi Tehran bu layihədə yalnız öz ərazisində aparılacaq tikinti işlərinə pul ayıracağını bəyan edib. Ermənistan isə Dünya Bankı və Asiya İnkişaf Bankından kredit cəlb etmək niyyətindədir. Mütəxəssislər yolun 5-6 ilə hazır olacağını proqnozlaşdırır. Onların bəzisi Fars körfəzinə çıxışı təmin edəcək bu yolun Azərbaycanın da iştirakçısı olduğu “Şimal-Cənub” dəhliziylə rəqabət aparacağını deyirlər. Məlumatlar açıqlanmasa da, İran hökumətindən başqa şirkətləri də Ermənistana investisiya yatırırlar. Ans press

SEÇİLMİŞ XƏBƏRLƏR

Çox oxunanlar