Contact Us

SON XƏBƏRLƏR

Təbrizin cümə imamı Türkiyəyə aviareyslərin çox olmasından narazılığını bildirib

2021.12.04, 09:27
Təbrizin cümə imamı Türkiyəyə aviareyslərin çox olmasından narazılığını bildirib

Gunaz.tv

Təbriz-İstanbul arasın həftədə 18 uçuşun həyata keçirildiyini deyən cümə imamı həftə ərzində Təbrizdən İraqın Nəcəf şəhərinə yalnız bir uçuşun olduğundan narazılıq edib. 

“Təbrizdən İstanbula uçuş müddətinin 2.5 saat olduğu halda Təbrizdən Nəcəf şəhərinə uçuş müddəti bir saatdır.

Buna baxmayaraq, Təbriz-İstanbul bileti ucuz, Təbriz-Nəcəf bileti isə olduqca bahadır. Nəcəfə uçuş isə ötən gün açılıb”-deyə, Ali Haşim Nəcəf şəhərinə getmək istəyən ziyarətçilərə daha güzəştli şərait yaradılmasını istəyib. 

O, məsullara müraciət edərək ziyarətçilərə qarşı insafsızlıq edildiyini deyib və validən, parlament üzvlərindən və başqa əlaqədar məsullardan məsələnin həllini tələb edib. 

Təbrizin cümə imamı çıxışında nüvə danışıqlarınada toxunaraq Qərb ölkələrini tənqid edib və danışıqların onların istəyinə uyğun davam edə bilməyəcəyini söyləyib. 

Məhəmmədəli Ali haşim İranda radikal kəsimin ənənəvi mövqeyini bir daha dilə gətirərək nüvə proqramının inkişaf etdirilməsini İranın haqqı adlandırıb və iranlı diplomatlardan danışıqlar zamanı “ləyaqətli” davranmalarını istəyib. 

O, radikal qanadın hər zamankı çıxışlarını bir daha bəyan edərək İranın sanksiyalar qarşısında təslim olmayacağını iddia edib. 
Təbrizin cümə imamı ölkədə hazırda hakimiyyətdə olan radikal cərəyanın təmsilçilərindəndir və Qərblə danışıqlarda hansısa güzəştə getməyin tərəfdarı deyil. 

Belə radikal mövqe sanksiyaların gücləndirilməsinə və əhalinin daha da müflisləşməsinə səbəb olduğu üçün bir sıra nümayəndələr hakimiyyəti tənqid etməyə məcbur olublar. 

Təbrizin İran parlamentindəki nümayəndəsi Məsud Pezeşkiyan son müsahibəsində radikalların mövqeini tənqid edərək onların xalqın problemlərinə laqeyd yanaşmaqda ittiham edib. 

“Reallıq bundan ibarətdir ki, bizim başqa çarəmiz yoxdur. Problemləri həll etmək üçün danışıqlar masası arxasında oturmalı, nəsə verib və nəsə almalıyıq”-deyə, İranda nüfuzlu siyasətçilərdən biri kimi tanınan Pezeşkiyan bildirib. 

C.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar