Səfərin təşkilatçısı “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli təəssüratlarını bizimlə bölüşür.

-Emin müəllim, artıq Azərbaycan qazilərinin belə səfərləri ənənə halını alıb deyə bilərikmi?

-Bəli atıq bu bir ənənədir ki, qardaş Türkiyənin müxtəlif bayramlarında və əziz günlərində Azərbaycan qaziləri, şəhid ailələri üzvləri, müharibə veteranlarının səfərləri təşkil olunur. Və səfərlər tək Azərbaycandan Türkiyəyə yox, həm də Türkiyədən Azərbaycana olur. Bizim təşkilatın əməkdaşlıq etdiyi bir neçə hərbi yönümlü dərnək var ki, biz də onları vaxtaşırı dəvət edirik. Türkiyə qazilərinin sonuncu səfəri bizim üçün çox əziz bayram olan Zəfər Günü münasibəti ilə oldu.

-Bu dəfəki səfəriniz hansı əlamətdar günə təsadüf edirdi?

-Bu dəfə səfərimiz Mersinin, Adaananın, Ceyhanın, Tarsusun, Osmaniyyənin  azad olunması münasibəti ilə təşkil olunmuşdu. Bir məsləni qeyd edim ki, bütün bu tədbirlərdə adətən Türkiyə qaziləri öndə gedir, onların ardınca vali, bələdiyyə başqanı və digər rəsmi şəxslər. Azərbaycanlı qazilərin iştirakı onunla əlamətdar idi ki, Öndə Türk qziləri ilə bərabər, Azərbaycan qaziləri çiyin-çiyinə gedirdilər.

Bu çox önəmli idi.
Mustafa Kamal Paşanın qatarla Mersinə gəlməsi həmişə xüsusi qeyd olunur. Bir ritual kimi qatarla Atatürkün gəldiyi yolla gəlmək şərəfi qazilərə aid olur. Bu dəfə Türk qazilərlə bərabər Azərbaycan qaziləri də bu şərəfə nail oldu. Mən də tədbir zamanı çıxışımda bildirdim ki, bu 100 il əvvəl başlamış bir yoldur. Necə ki, o dövrdə bu iki xalq çiyin-çiyinə olub, bu gün də çiyin-çiyinədir.

-Yəqin ki, tədbirlərə iştirak etməklə yanaşı rəsmi görüşləriniz də oldu?

-Əlbəttə ki, biz qonaq olduğumuz şəhərlərdə rəsmi görüşlər də keçirirdik. Mersin şəhər valisi   Əli Həmzə Pəhlivanla, Mersin Böyükşehir belediyye başqqnı Vahab Seçərlə, Böyükşəhər bələdiyyəsi Şəhid  ailələri  və Qazi  Xidmətləri şöbə müdiri Hasbi Salmanla görüşlərimzi oldu. Bizi həmişə olduğu kimi çox coşğu ilə qarşıladılar.

Daha sonra Ağ Dəniz Bölgü və Qarnizon komutanı Tüm admiral Fuad Gədik, Mərsin Polis Özəl hərəkat şöbə müdirliyinin şöbə müdiri III Sinif Polis müdiri  Veyis Kılıncla da görüşlərimiz oldu.

Bundan sonra Tarsusda olduq. Burada  kaymakam Qədir Sertel Otçu ilə çox səmimi görüşümüz oldu. Tarsusda Ulu Öndər Heydər Əliyevin xatirəsi anıldı. Bunla da biz Heydər Əliyev ilində Ümummili Liderin xatirəsinə həsr olunmuş tədbirlərə start vermiş olduq.
Adanada da yadda qalan görüşlərimiz keçirildi. Adana Valisi Süleyman Elban, vali yardımçısı Adəm Aslan, Adana Böyük şəhər bələdiyyə başqanı Zeydan Qaralar, Çukurova Bələdiyyə başqanı Söner Çetin, bizi çox məmnunluqla qarşıladı.
Ən diqqətə layiq tədbirlərimizdən biri məhz Ceyhanda oldu. Bilirsiniz ki, Ceyhan Azərbaycan neftinin dünyaya çıxışında mühüm məntəqələrdən biridir. 

Bu şəhərin adı çəkiləndə ilk yada düşən Ümummilli Liderin müəllifi olduğu mühüm layihə, Bakı-Tiflis-Ceyhan neftin nəqli boru xətti yada düşür. Bu şəhərdə Heydər Əliyev mərkəzi, Heydər Əliyev parkı var. Ceyhanın azad olunması tədbirləri ilə yanaşı biz Ceyhanda Heydər Əliyev ilinin ilk tədbirlərinin davamını keçirdik. Heydər Əliyev parkında Azərbaycan qaziləri ilə birgə Türkiyə qaziləri, bizim tərəfdaşlarımız, eyni zamanda şəhər rəhbərliyi də bu tədbirlərə qatıldı.

Tədbirlərlə bərabər bizim rəsmi görüşlərimiz də oldu. Ceyhan kaymakamı Dr Bayram Yılmazla, Ceyhan Bələdiyyə başqanı Hülya Erdəmlə görüşlərimiz keçirildi.

Daha sonra Osmaniyyədə olduq. Burada da Osmaniyyə valisi Dr Erdinç Yılmazla, Bələıdiyyə başqanı ilə çox səmimi görüşümüz keçirildi. Osmaniyyədə keçirilən tədbirlərdən sonra burada səfərdə olan Ailə və sosial xidmətlər naziri Dərya Yanıkla görüşdük. Biz onunla bundan əvvəlki səfərlərimizdə də görüşmüşdük.

-Ankarada da mühüm görüşlərinz olub.

-Səfərimizin son dayanacağı paytaxt Ankara oldu. Əvvəlcə Qazi Mustafa Kamal Paşanın məqbərəsi ziyarət olundu. Qazilərimiz ona öz sayğısını ifadə etdi. Bura keçirilən görüşlər çox mühüm idi. Bizim Ankara Böyükşəhər bələdiyyə başqanı Mansur Yavaşla görüşümüz oldu. Ankarada keçirdiyimiz mühüm görüşlərdən birini MHP başqanı Dövlət Baxçalı keçirdik. Çox hörmətli Dövlət Baxçalı ilə partiyanın mənzil qərargahında görüşdük. 

Azərbaycanlı qazilərə çox yüksək dəyər verdiyini bildirən Dövlət Baxçalı zəfərimizin tarixi əhəmiyyətini bir daha vurğuladı. Bu zəfərin qaznılmasında Azərbaycan ordusunun və Ali Baş Komandan İlham Əliyevin həm bir komandan kimi, həm də dünya miqyasında çox önəmli bir siyasət adamı kimi xidmətini yada saldı.

Bu zəfərin Türk dünyasının zəfəri olduğunu bildirdi. Onun qazilərimizə qızıldan hazırlanmış Boz Qurd döş nişanını şəxsən təqdim etməsi isə qazilərimiz üçün əvəzsiz hədiyyə idi.
Ankarada mühüm görüşlərimizdən biri də hakim partiya rəhbərliyində təmsil olunan şəxslərlə oldu.

Türkiyə Böyük Millət Məclisində AKP başqan yardımçısı, Sivil Toplum və ictimaiyyətlə əlaqələr başqanı, millet vəkili Belgin Uyğur və sosial siyasət üzrə  başqan yardımçısı Tuba Koksal Azərbaycan qazilərini çox sağyı ilə qarşıladı.

Sözsüz ki, keçirdiyimiz görüşlərin ən mühümlərindən biri də Milli Müdafiə Naziri Hülusi Akarla oldu. Qeyd etdiyimiz kimi, Hülusi Akarla bu ilk görüşümüz deyil. Hər səfərimizdə o Azərbaycan qaziləri ilə görüşür. O bu səfərlərin çox mühüm olduğunu bir daha bildirdi. Xatırlayırsınızsa Türkiyəli qazilərin Zəfər Günü bayramlarında iştirak üçün gələməsi üçün onun göpstərişi ilə xüsusi hərbi təyyarə ayrılmışdı.

Bu çox mühüm bir president idi. 

Onunla söhbətimiz çox səmimi oldu. Cənab nazir Azərbaycan hərbçilərinin 44 gündə qazndığı zəfərin 44 illər danışılacağını vurğuladı.
Eyni zamanda Azərbaycan və Türkiyə ordusunun əlaqələrinin genişlənməsi birgə təlimlərin əhəmiyyətini qeyd etdi. Bildirdi ki, bu səfərlər çox əhəmiyyətlidir və bu əlaqələri mütləq davam etdirmək lazımdır.

-Qeyd etdiyiniz kimi ənənə halını almış bu səfərlər yəqin ki, davam edəcək.

-Əlbəttə. Bu bizim nə ilk, nə də son səfərimiz idi. Belə səfərlər daim davam etməlidir. Biz bundan əvvəlki səfərlərdə də bu səfərdə də Azərbaycan – Türkiyə qardaşlığına xidmət etmək üçün əlimizdən gələni edirik. Hər səfərimizdə rəsmi şəxslərlə görüşlərimiz olur. 

Prezident Rəcab Tayib Ərdoğan da, Milli Müdafiə naziri Hülusi Akar da, TBMM sədri Mustafa Şentop da, xarici işlər naziri Mövlud Çavuqoşlu da, Ailə və sosal xidmətlər naziri Dərya Yanık da, millət vəkiləri də bizimlə görüşlərdə bu səfərlərin davamlı olmasını arzuladıqlarını ifadə edirlər. Bu gün Azərbaycan və Türkiyə arasında dostluq, qardaşlıq münasibətləri tarixdə heç olmadığı bir zirvəyə çatıb.

Biz də öz yerimizdə bu əlaqələrin daim inkişaf etməsinə çalışırıq. 

Azərbaycanın hərbi yönümlü qeyri-hökumət təşkilatı olaraq biz də hər zaman əlimizdən gələni edirik. Nə qədər ki, Azərbaycan var, nə qədər ki, Türkiyə var bu əlaqələr olmalıdır. 

Bu gün hərbi yönümlü təşkilatlar arasında əlaqələrin qurulması missiyası bizim üzərimizə düşür. Biz də çalışırıq ki, dövlətimz üçün, Türk dünyası üçün mühüm olan bu əlaqələri daha da inkişaf etdirək. Və Ulu Öndərin dediyi kimi “İki dövlət, tək millət” ideyasına sadiq olaq.

Ayxan