“Xalqın yarasına duz səpməyin”- İranlı jurnalist ruhanilərə səsləndi

SON XƏBƏRLƏR

“Xalqın yarasına duz səpməyin”- İranlı jurnalist ruhanilərə səsləndi

2023.07.01, 13:19

Sosial məsələlər üzrə tədqiqatçı, islahatçı jurnalist Abbas Əbdi ruhaniləri və cümə imamlarını xalqın problemlərinə laqeydlikdə suçlandırıb.

Gunaz.tv

“Xalqın yarasına duz səpməyin. Çiyinindən hər hansı yükü götürə bilmirsinizsə və ya götürmək istəmirsizsə heç olmasa xalqın yükünü artırmayın”. Abbas Əbdi din xadimlərinə xitabında belə deyib.

Araşdırmaçı jurnalist hesab edir ki, ruhanilər problemləri görməzdən gəlir, baş verənləri hakimiyyətin xeyrinə təhrif edirlər.

“İranın geri qalmasını əsaslandırmaq üçün xalqın qənaətcil olmadığını deyirsiz və buna misal Çinin inkişaf səbəbini bu ölkə xalqının gündəlik iki dəfə yemək yediyini bildirirsiz. Ölkənin geri qalmasının səbəbi bu deyil.

Guya bilmirsiz ki, Çinin inkişafı siyasi və iqtisadi islahatlar nəticəsində olub? Yeri gəlmişkən, özünüz gündə iki dəfə yemək yeyirsiz?

Hələ durub başınızı bir tibb sahəsinə də uzadırsınız, “islami həkim” və “islami tibb” anlayışlarını təbliğ edirsiz və özünüzə bu yolla yaxşı da qazanc qaynağı yaradırsız.

Bu azmış kimi psixologiya, siyasət, tarix, sosiologiya, iqtisadiyyat və sair səhələr barədə də elmi əsası olmayan fikir bildirirsiz.

Hətta zəlzələnin qadınların hicaba riayət etmədiklərinə və çılpaq geyimlərinə görə baş verdiyini iddia edirsiniz"-tənqidçi jurnalist belə deyib.

Abbas Əbdi bildirib ki, ruhanilər cümə namazında minbərdən xalqı problemlərə qarşı dözümlü olmağa çağırır, bu isə yaraya duz səpmək kimidir:

"Maaşlar artırılmır, hələ azaldılmasını da müşahidə edirik. Bu xalqın cibinə əl uzatmaq və hakim təbəqəyə ötürməkdir. Xalq ötən 2022-ci ili min müsibətlə başa vurdu.

Lakin bu il maaşlarına azından 55 faiz artırılmalıdır ki, vəziyyətləri daha yaxşı olmasa da heç olmasa ötənilki kimi ili min bir əziyyətlə başa vura bilsinlər.

Cari ildə maaşlar və ödənişlər 2022-ci ilə görə azalıb. Bu səbəbdən xalq həmin nisbətlə yaşam səviyyələrini endirməyə məcbur olublar. Bu ifadələriniz və mövqeyiniz sizin heç nə bilmədiyinizə dəlalət edir.

Taymaz

GUNAZ.TV

SON XƏBƏRLƏR