Urmunun qədim hissəsində əksər tikililər qəzalı vəziyyətdədir-Başçıdan xəbərdarlıq

SON XƏBƏRLƏR

Urmunun qədim hissəsində əksər tikililər qəzalı vəziyyətdədir-Başçıdan xəbərdarlıq

2022.01.15, 12:45

Gunaz.tv

Məhəmməd Xəlilpur deyib ki, şəhərin qədim hissəsində əksər tikililər qəzalı vəziyyətdədir. Onun sözlərinə görə, yollar da nəqliyyat üçün normal standartlara cavab vermir.

Başçıs hesab edir ki, bu üzdən baş verəcək təbii fəlakətlər zamanı hadisəyə müdaxilə etmək çətin olacaq.

O, şəhərin tarixi və qədim hissəsində təmir, yenidən qurma işlərinin aparılmasının vacibliyini bildirib, hər hansı hadisə zamanı ciddi fəlakətin, insan itkisinin baş verəcəyi barədə xəbərdarlıq edib.

Qeyd edək ki, məsələ yanvar ayının 5-də Şəhər Şurasının toplantısında məsələ müzakirəyə çıxarılıb.

Bildirilib ki, şəhərlərin tarixi və qədim quruluşun qorunması üçün xüsusi qanunun işlənib hazırlanmasına və dərc olunmasına baxmayaraq Urmunun 500 hektarlıq tarixi sahəsinin qeyri-müəyyən vəziyyətdə saxlanılıb.

“Qeyd etdiyimiz problemlərin həlli üçün dəfələrlə yazılı müraciət etməyimizə baxmayaraq heç bir tədbir görülməyib. Baş verəcək hər hansı xoşagəlməz hadisənin məsuliyyəti şəhər rəhbərliyinin üzərinə düşəcək”-deyə, Şəhər Şurasının başçısı xəbərdarlıq edib.

Şəhər Şurasının sözçüsü Tumac Vəhid Əfşar Urmu şəhərinin qədim quruluşunun qorunub saxlanılması, təmirinin təmsil etdiyi idarənin əsas vəzifələrindən biri olduğunu qeyd edib.

O, bunun üçün əlaqədar nazirlik və idarələrin yardım göstərmədiyindən təəssüfləndiyini bildirib.

C.E