Ermənistanın tarixi-mədəni abidələrlə bağlı böhtanları

2008-06-11 19:12

Ermənistanın tarixi-mədəni abidələrlə bağlı böhtanları Bunlara sistemli tarixi araşdırmalarla cavab vermək gərəkdir Ermənistanın tarixi-mədəni abidələrlə bağlı böhtançı təbliğatı ara vermir. Onlar gündə bir bəhanə ortaya atırlar. Əsas yalanları da guya er

Gunaz.tv Quote | Gunaz article

Ermənistanın tarixi-mədəni abidələrlə bağlı böhtanları Bunlara sistemli tarixi araşdırmalarla cavab vermək gərəkdir Ermənistanın tarixi-mədəni abidələrlə bağlı böhtançı təbliğatı ara vermir. Onlar gündə bir bəhanə ortaya atırlar. Əsas yalanları da guya erməni tarixi abidələrinin Azərbaycan tərəfindən dağıdılmasına aiddir. Ermənilər bunun üçün Azərbaycanın müxtəlif əraziləri, o cümlədən Naxçıvan haqqında böhtandolu məlumatlar yayırlar. Azərbaycan tərəfi bu kimi hallara qarşı mübarizəsini aparır. Beynəlxalq təşkilatlara informasiyalar verilir. UNESKO kimi qurumda bununla əlaqəli kifayət qədər informasiyalar vardır. Bununla yanaşı, daha geniş və sistemli işləmək ehtiyacının olduğunu vurğulamaq gərəkdir. Azərbaycan tərəfi elmi-tarixi araşdırmalar və konkret faktlar əsasında ermənilərin iddialarının əsassızlığını tam sübut edə bilər. Həmin istiqamətdə Türkiyə ilə birlikdə müxtəlif ortaq araşdırma qurumlarının yaradılması vaxtının çatdığını duymaqdayıq. Bu günlərdə Azərbaycan-Türkiyə İş Adamları Birliyinin nəzdində yaradılmış araşdırma fondunun əsas vəzifəsi də bundan ibarət olacaq. Araşdırma fondu tarixi-mədəni faktları öyrənməklə ermənilərin bütün cəbhələrdə cavabını vermək işinin öhdəsindən gəlməlidir. Azərbaycan rezidenti Antalya sammitində təbliğatda artıq hücuma keçməyin vaxtının çatdığını demişdi. Buna uyğun olaraq ideoloji və təbliğati aspektlərdə erməni yalanlarına qarşı geniş hücuma keçmək gərəkdir. Bunu elmi araşdırmalar əsasında etmək səmərəlidir. Ona görə də yaradılan araşdırma fondu üzərinə böyük işlər düşür. Bunun öhdəsindən gəlmək isə ciddi çalışmalar tələb edir. Deyək ki, Ermənistanın Azərbaycan tarixi-mədəni abidələrinə iddiasının əsassızlığını faktlar və dəlillərlə sübut etmək üçün lazımi tədqiqat aparmaq lazımdır. Ermənilər adətən süni surətdə müxtəlif yerlərdə daşlar, bəzi metallar və sairlər basdıraraq, Azərbaycan ərazisində türk abidələrini özlərininki kimi qələmə verərək şərləyirlər. Təəssüf ki, bunlara xaricilər daha çox inanırlar. Elə götürək musiqimizlə bağlı ermənilərin şər-böhtanlarını. Ermənilər hətta "Avrovijin"də Azərbaycan musiqi alətlərini özlərininki kimi təqdim etdilər və xaricilər də onu elə qəbul etdilər. Halbuki beynəlxalq təşkilatlarda tütəyin Azərbaycan musiqi aləti olduğu haqqında kifayət qədər informasiya olmalıdır. Bundan başqa, ermənilər Azərbaycan xalçalarını özlərininki kimi təqdim edirlər və bunu da Qərbdə araşdırmadan qəbul edirlər. Azərbaycan tərəfinin verdiyi təqdimatlara isə bəzən elə də fikir vermirlər. Xüsusilə bizim ərazimizdə mədəni-tarixi abidələrlə bağlı ermənilərin qərəzli məlumatlarını tənqidsiz qəbul edirlər. Bu kimi hallara qarşı tutarlı cavablar vermək üçün mütləq daha çox elmi araşdırma aparmalı və əsaslı faktlarla düşmənin şər-böhtanlarının qarşısını almaq lazımdır. O baxımdan yeni yaradılan araşdırma fondunun işi çox olacaq. Fond təbliğat sahəsində Azərbaycan və Türkiyənin hücuma keçməsini təmin etməlidir. Burada bəzən bir məqamı bir neçə dəfə inadla vurğulamaq kimi təkrarçılıq da etmək lazım gələcək. Zaman-zaman avropalıların bizim problemlərə laqeydliyini aradan qaldırmağın başqa yolu yoxdur. Təbii ki, Azərbaycan və Türkiyənin başqa çıxış yolu yoxdur. Biz indi ikiqat çalışmalıyıq ki, nəticə əldə edə bilək. Buna nail olandan sonra Ermənistanın yalanları ilə mübarizə aparmaq daha da asanlaşacaq. Etiraf edək ki, bu istiqamətdə hələ görüləcək işlər çoxdur. İnsanların şüuru əsrlərlə yeridilənlərdən fərqli olanı tez qəbul etmir. Əsas məqam başqa incəlikdədir. Artıq Azərbaycan və Türkiyə təbliğat sahəsində erməni əməllərinə qarşı birgə və sistemli mübarizə aparmaq qərarına gəliblər. Düşməni qiymətləndirməmək sindromu keçib gedib. Çünki ermənilərə dünyanın aparıcı dövlətləri havadarlıq edirlər. Onlar kifayət qədər əhatəli şəkildə erməni yalanının üstün gəlməsi üçün çalışırlar. Bəzən buna siyasi maraqlar da yol açır. Sirr deyil ki, ermənilərdən Qərbli siyasətçilər hər bir seçkidə istifadə edirlər. Bu tendensiyanın da qarşısını almaq üçün bizim ideoloji hücuma keçməyimiz lazımdır. Bunlar əsasında vaxt gələcək ki, ermənilərin uydurmalarına inanan çox az olacaq. Tarixi həqiqətlər öz yerini tutacaq. Azərbaycanla Türkiyənin bu sahədə imkanları xeyli çoxdur. Gücü birləşdirib, ermənilərə və onların havadarlarına əsl həqiqəti göstərmək gərəkdir. Şahin Məhəmmədoğlu olaylar
Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Beynəlxalq yarışda xəsarət alan zənganlı idmançı mübarizəni dayandırdı

2021-04-22

gun az article

Muğanda "yaşıl soyqırım": Hektarlarla meşə sahəsi yox edilir-VİDEO

2021-04-22

gun az article

Təbrizli əczaçılar etiraz aksiyası keçirib

2021-04-22

gun az article

Urmuda avtobus qəzası: 18 nəfər xəsarət alıb

2021-04-22

gun az article

Təbriz bələdiyyəsinin Azərbaycançılıqda günahlandırılan şöbə rəisinin işdən çıxarılması təsdiqləndi-FOTOLAR

2021-04-22

gun az article

Zənganda antik əşya əməliyyatı: Qaçaqmalçı ələ keçdi

2021-04-22

gun az article

"Ana dili məhbusları" Həmid Mənafi və Behnam Şeyxi məzuniyyətə buraxılıb

2021-04-22

gun az article

Azərbaycan ordusuna dəstək aksiyasında iştirak edən ərdəbilli fəallar məhkəməyə çağırılıb

2021-04-22

gun az article

GünazTV April.21.2021-Görüş: İran-Qərb müzakirələrdə Çin'in rolü, İran'da seçkilər və Güney Azərbaycan Hərəkatı

2021-04-22

gun az article

Milli fəal Rza Vasiqi Ərdəbil həbsxanasına qayıdıb

2021-04-21

gun az article

Edamların sayına görə İran dünyada birincidir-Beynəlxalq Əfv Təşkilatının HESABATI YAYILDI

2021-04-21

gun az article

Təbriz bələdiyyəsinin Azərbaycançılıqda günahlandırılan şöbə rəisi işdən çıxarılıb?-İDDİA

2021-04-21

gun az article

İran hökuməti türk əyalətində kürd dilində hekayə festivalı keçirir

2021-04-21

gun az article

Milli fəal Kiyanuş Aslani məzuniyyətə buraxılıb

2021-04-21

gun az article

Güneyli yazıçının məhkəməsi olacaq-Mehdi Səlimiyə qarşı absurd ittihamlar irəli sürülüb

2021-04-21

gun az article

Marağada Yaxın Şərqin “fosil cənnəti" məhv edilir-FOTOLAR

2021-04-21

gun az article

"Sepah" Güney Azərbaycanda kampaniyaya başladı: Dini liderin yaxın çevrəsi seçici fəallığını artırmaq istəyir

2021-04-21

gun az article

GünazTV April.20.2021-Özümüz: Sulduz Soyqırımı

2021-04-20

gun az article

Urmu gölü 5 ilə quruya bilər-Bərpa Mərkəzinin məsulu xəbərdarlıq etdi

2021-04-20

gun az article

İrandan ermənilərə daha bir jest: "Güney və Quzey Azərbaycan Türkiyənin yanında olacaq"

2021-04-20