Milli fəal Siyamək Fərəczadə prokurorluğa çağırılıb

SON XƏBƏRLƏR

Milli fəal Siyamək Fərəczadə prokurorluğa çağırılıb

2022.08.24, 04:30

Gunaz.tv

Bildirişdə ondan müəyyən edilmiş müddət ərzində Təbrizin Ümumi və İnqilab Prokurorluğunun 15-ci bölməsinə müraciət etməsi istənilib.

Siyamək Fərəczadə (Qaradağlı) iyulun 1-də İran təhlükəsizlik məmurları tərəfindən Kəleybər şəhərində həbs edilərək Təhlükəsizlik və Kəşfiyyat Nazirliyinin Təbrizdəki təcridxanasına köçürülmüşdü.

Həbsindən bir neçə gün sonra ailəsi ilə qısa müddətli telefon əlaqəsi saxlayan Qaradağlı iyulun 16-da prokurorluğa aparıldığı və yenidən təcridxanaya qaytarıldığını bildirmişdi.

Şərqi Azərbaycanın Əhər şəhərindən olan milli fəal Təbrizdə yaşayır və elektrik mühəndisliyi fakültəsini bitirib.

O, hər il iyunun sonu, iyulun ilk günlərində Bəzz qalasında keçirilən illik Babək qurultayına qatıldığı üçün saxlanılılmışdı.

Timur