Milli fəal Behnam Zareyinin girovla müvəqqəti sərbəst buraxılmasına icazə verilmir

SON XƏBƏRLƏR

Milli fəal Behnam Zareyinin girovla müvəqqəti sərbəst buraxılmasına icazə verilmir

2022.08.01, 04:57

Gunaz.tv

Qeyd edək ki, Şərqi Azərbaycan əyalətinin Vərziğan bölgəsindən olan Behnam Zareyi iyulun 27-də Əhər zindanına köçürülüb.

Vərziğan prokurorluğu milli fəalın ailəsinin müraciətlərinə baxmayaraq girov təyin etməkdən imtina edib.

Onun ailəsi ilə görüşünə və telefon danışığına icazə verilmir.

Bu günə kimi Behnam Zareyinin barəsində dəqiq ittiham irəli sürülməsə də, onun "Vərziğansəsi" sosial media kanalı vasitəsilə bölgənin problemləri, ətraf mühitin məhv edilməsi barədə paylaşımları ilə bağlı saxlanıldığı ehtimal edilir.

Behnam Zareyi iyulun 9-unda Vərziğanın Köhnəli kəndində yerləşən şəxsi evində təhlükəsizlik məmurları tərəfindən saxlanılıb.

Qeyd edək ki, Behnam Zareyi kənd təsərrüfatı elmləri üzrə bakalavr və siyasi elmlər üzrə aspirantdır.

Timur