Contact Us

SON XƏBƏRLƏR

İran bu həftə ərzində kosmosa Zəfər adlı peyk göndərəcəyini bəyan edib- FOTO

2021.10.20, 07:36
İran bu həftə ərzində kosmosa Zəfər adlı peyk göndərəcəyini bəyan edib- FOTO

Gunaz.tv

GünAz TV: İranın Rabitə və İnformasiya Texnologiyaları naziri Məhəmməd Cavad Azəri Cəhromi ölkəsinin bu həftənin sonuna qədər Zəfər adlı peyki kosmosa göndərəcəyini bəyan edib.

 

O, ötən gün Twitter səhifəsində yazdığı statusda peykin buraxılmasının Simurq raket daşıyanı ilə həyata keçiriləcəyini qeyd edib.

 

“Uğursuz olmaqdan qorxmuruq, ümidsizliyə də qapılmırıq”,- deyə Məhəmməd Cavad Azəri Cəhromi fikrini tamamlayıb.

 

Cəhrominin bu sözü İranın ötən il ərzində kosmosa peyk göndərmək istiqamətində dəfələrlə uğursuzluğa düçar olmasına işarə hesab edilir.

 

Xatırladaq ki, 2019-cu ilin avqust ayının sonlarında İranın kosmosa göndərməyə çalışdığı peykin ilkin mərhələdə uğursuzluğa uğrayaraq partladığı barədə məlumatlar yayılmışdı. Daha sonra Qərb media orqanlarının yaydığı fotolarda peykin buraxıldığı ərazinin tamamilə dağıldığı görünürdü.

 

 

Bundan öncə də, yəni 2019-cu ilin yanvar və fevral aylarında İranın bu istiqamətdə göstərdiyi iki təlaş da uğursuzluqla nəticələnmişdi.

 

Ə.A

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar