İran mətbuatı: Urmiyədə kimsə “İran” komandasını dəstəkləmir / Urmiyənin iki millət vəkili etiraz olaraq voleybol yarışlarını izləməyə getməyib

16.06.2019, 19:21

GünAz TV: Güney Azərbaycanın Urmiyə şəhərinin “Durnalar yuvası” stadionunda iyunun 14-dən 16-dək dünya millətləri voleybol liqası keçirilib. Yarışlar zamanı voleybol izləyiciləri İran komandasını təşviq etməyib, lakin Azərbaycanla bağlı bir çox şüar səsləndiriblər.

 

“Təsnim” xəbər agentliyi bu məsələni etiraf edərək qeyd edib ki, stadionda “İran”ın adı çəkilmir, hamı Azərbaycanı təşviq edir.

 

“Sapah”a yaxın olan agentlik yazıb ki, “yaxın dəqiqələrdə İranla Polşa (Ləhistan) komandalarının həssas oyunu Urmiyənin Qədir (“Durnalar yuvası”) stadionunda başlayacaq. Lakin stadiondakı tamaşaçılar urmiyəli oyunçuları təşviq etməkdə israrlıdır, onlar İranın adını çəkmir. Onlar hətta İran Milli Komandasını “Urmiyə Milli Komandası” adlandırır. Bəlkə də bu milli komandada urmiyəli oyunçuların çox olması ilə bağlıdır.

 

 

Güney Azərbaycanla İran arasında uçurum yarandığını göstərən oxşar xəbərlər digər mətbuat orqanları və bir neçə idman teleqram kanallarında da yayılıb. Kanallarda “Hamı təşviq olunur İrandan başqa!” başlığı altında yayılan məlumatda bildirilib ki, milli komanda adı altında keçirilən yarışlarda İranın adının çəkilməməsi heç də ürəkaçan deyil.

 

 

Azərbaycanlı fəallar bu vəziyyəti İran dövlətinin bir əsrdir Güney Azərbaycana qarşı tətbiq etdiyi zülm və ayrı-seçkiliklə əlaqələndirir.

 

Urmiyənin İran parlamentindəki millət vəkilləri Hadi Bahaduri və Nadir Qazipur isə stadiona giriş biletlərində yaradılan problemlə bağlı yarışları izləməyə gətməyiblər.

 

Hadi Bahaduri Qərbi Azərbaycanın yerli olmayan kürddilli millət vəkili Məhəmməd Mehdi Şəhriyari və Qərbi Azərbaycan Gənclər və İdman İdarəsinin Səqqiz şəhərindən olan kürddili rəisi Abdulla Çəməngülünün internetdə bilet satışında yaratdığı problemə etiraz olaraq xüsusi məna kəsb edən bir şəkil paylaşıb. Şəkildə Təbrizin “Traxtur” futbol komandasının şərfini asan millət vəkilinin əhali ilə birlikdə televiziyadan yarışları izlədiyi görünür.

 

 

Hadi Bahaduri bu barədə “Fars” xəbər agentliyinə də açıqlama verib. “Ayrı-seçkiliyi hiss etmək ayrı-seçkilik əməlindən daha pisdir. Təəssüflə əhali bunu biletlərin satışında hiss etdi. Mən bu məsələyə etiraz olaraq yarışları əhali ilə birlikdə şəhərdə quraşdırılan televiziyalardan izlədim. Hesab eliyirəm ki, artıq gənclər və idman naziri Təbrizin “Traxtur” və “Urmiyə 90” futbol komandaları, həmçinin bu iki əyalətin voleyboluna qarşı həyata keçirilən ayrı-seçkiliklərə reaksiya verməlidir.”- deyə o bildirib.

 

Urmiyənin digər millət vəkili Nadir Qazipur isə Teleqram kanalında bir video paylaşaraq biletin satışının vəziyyətinə etiraz olaraq stadiona getməyəcəyini elan etmişdir.

 

Urmiyənin millət vəkili Ruhulla Həzrətpur da ötən günlərdə anti-türk məsulların “Yaşasın Azərbaycan” şüarının qarşısını almaq cəhdlərinə etiraz etmişdir. “Bəzilərini belə bir təşəbbüs irəli sürməsi təəccüblüdür. “Yaşasın Azərbaycan” bu bölgədə çox köklü və tarixi bir şüardır. Onun Azərbaycandan başqa heç bir qrupla əlaqəsi yoxdur. İnşallah cümə, şənbə və bazar günü “Durnalar yuvası”nda “Yaşasın Azərbaycan” şüarı səsləndirəcəyik.”- deyə o vurğulamışdır.

 

İyunun 14-də yarışlarda tamaşaçı qismində iştirak edən Ruhulla Həzrətpur İnstaqram səhifəsində bir maraqlı şəkil də paylaşıb. Şəkildə azərbaycanlı gənclərin Urmiyənin “Şəhrdari” komandasının bayrağını nümayiş etdirdiyi görünür.

 

 

Qeyd edək ki,  Urmiyənin “Durnalar yuvası” stadionunda keçirilən beynəlxalq yarışlarda stadionda tamaşaçı az olsun deyə internetdə bilet satışında problem yaradıldı, azərbaycanlı gənclərin bir çoxu bilet əldə edə bilmədi. Qərbi Azərbaycanın yerli olmayan kürddilli məsulları stadionda milli şüarlarımızın səsləndirilməsinə də mane olmaq istədilər, onlar bu barədə dəfələrlə xəbərdarlıq etdilər. Lakin bütün təzyiqlərə baxmayaraq azərbaycanlı gənclərın “Yaşasın Azərbaycan”, “Azərbaycan var olsun – İstəməyən kor olsun” və s. kimi şüarları stadionu lərzəyə gətirdi.

 

Tamaşaçılardan bəziləri isə Qərbi Azərbaycan Əyaləti və Urmiyəyə göz tikən kürd terror qruplaşmalarına cavab olaraq "Urmiyə Azərbaycanın ürəyidir" plakatı qaldırdılar.

 

Oyundan sonra stadion ətrafında şənlik edən bir qrup gənc isə İran bayrağının yerinə Azərbaycanın üçrənglı bayrağını dalğalandırdılar. Onların Azərbaycanın doğma bayrağını nümayiş etdirməsi ətrafdakı soydaşlarımız tərəfindən böyük rəğbətlə qarşılandı. Urmiyə xiyabanlarında Azərbaycan bayrağından başqa "Traxtur" komandasının bayrağı da nümayiş etdirildi.

 

N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

İki yeniyetmə etnik bəluç edam edilə bilər

2022-12-02

gun az article

İranda etnik ərəb işgəncə altında öldürülüb

2022-12-02

gun az article

Washington Post: "İran cinayətkar qruplar vasitəsilə müxaliflərin oğurlanması və öldürülməsini planlarını genişləndirib"

2022-12-02

gun az article

İranda SEPAH generalı həbs edilib

2022-12-01

gun az article

Türkiyə səfiri etimadnaməsinin surətini İsrail XİN-ə təqdim edib

2022-12-01

gun az article

Azərbaycanın müdafiə naziri Pakistanın HDQ komandanı ilə görüşüb

2022-12-01

gun az article

Kərəcdə iki məhkum edam ediləcək

2022-12-01

gun az article

Lavrov: Azərbaycan Qarabağ ermənilərinin hüquqlarını təmin etməyə hazırdır

2022-12-01

gun az article

İranda bəhai vətəndaşlara qarşı təzyiqlər davam edir

2022-12-01

gun az article

“Ümid” SİD “Təhsildə idarəetmənin ictimailəşdirilməsinə dəstək təşəbbüsü" layihəsini uğurla yekunlaşdırıb

2022-12-01

gun az article

İranda hərbi-polis qüvvələri eyvanda oynayan uşağa atəş açıb, 6 yaşlı qız gözünü itirib

2022-12-01

gun az article

İrandan Azərbaycana üzərində erməni dilində yazıları olan mallar göndərilib

2022-12-01

gun az article

İranda kəşfiyyat zabiti öldürülüb

2022-12-01

gun az article

Güneyli gənc fəal Abbas Nəmini edam edilə bilər

2022-12-01

gun az article

İranda İsrailə casusluqda ittiham olunan 4 nəfər edam ediləcək

2022-12-01

gun az article

Tanınmış jurnalist Məhəmmədbaqir Muradi İrana təhvil verilib

2022-12-01

gun az article

Ceyhun Bayramov Polşada Mövlud Çavuşoğlu ilə görüşüb

2022-12-01

gun az article

Laçının azadlığından iki il ötür

2022-12-01

gun az article

XİN Fransa parlamentinin aşağı palatasında Azərbaycan əleyhinə qəbul edilmiş qətnaməyə münasibət bildirib

2022-12-01

gun az article

ABŞ Ukrayna üçün “NASAMS” hava hücumundan müdafiə sistemləri alır

2022-12-01