İranda qadınlar ilk dəfə olaraq rəsmi qaydada tamaşaçı qismində“Azadi” stationuna daxil olublar

SON XƏBƏRLƏR

İranda qadınlar ilk dəfə olaraq rəsmi qaydada tamaşaçı qismində“Azadi” stationuna daxil olublar

2021.10.20, 07:36

Gunaz.tv

GünAz TV: Bu gün Tehranda qadınlar ilk dəfə olaraq dövlətin rəsmi icazəsi ilə tamaşaçı kimi “Azadi” stadionuna daxil olublar.

Bununla da ilk dəfə olaraq qadınlar kişi geyimi geyinmədən, bilet alaraq, dövlətin rəsmi icazəsiylə stadiona daxil ola biliblər.

Qadınlar sosial şəbəkələrdə bu hadisənin onlara bağışladığı xoş təəssüratlarla bağlı videolar paylaşıblar.

Bununla belə, məsullar stadiona girişləri və parkingi kişi və qadın bölmələrinə ayırıblar.

1 həftə bundan öncə qadınların bu gün keçiriləcək İranla Kamboca görüşünə bilet ala bilmələrilə bağlı xəbərlər yayılmışdı. Bundan sonra İranda və xaricdə yaşayan insanlar sosial şəbəkələrdə “mənimlə stadiona gəl” kimi həştəqlər paylaşırdılar.

Qeyd etmək lazımdır ki, bu gün həm də stadiona daxil olmaq istəyərkən tutulan və barəsində həbs hökmü çıxarılması eşidəndə özünü yandıraraq intihar edən Səhər Xudayarinin ölümündən 1 ay ötür.

Ə.A