Kərrubidən Xamneyiyə: "Dini liderlik şərtlərindən heç birinə sahib deyilsiniz"

12.01.2020, 18:11

GünAz TV: Mehdi Kərrubi "Sepah"ın sərnişin təyyarəsini raketlə vurmasına görə Əli Xamneyiyə ünvanladığı məktubda onun konstitusiyada nəzərdə tutulmuş dini liderlik xüsusiyyətləri və şərtlərindən heç birinə sahib olmadığını bildirib.

 

Məktubun əvvəlində Kərrubi qeyd edib ki, bir müddət əvvəldən "dini lider"ə ölkənin acınacaqlı vəziyyəti barədə ətraflı məlumatları ehtiva edən məktub yazmağa başlayıb.

 

Onun sözlərinə görə, mövcud acınacaqlı vəziyyət "dini lider"in yarıtmaz siyasəti və ölkənin bütün işlərinə yersiz müdaxiləsi nəticəsində yaranıb.

 

Kərrubi hazırki məktubu Xamneyiyə göndərməklə bağlı qərarı "Sepah"ın sərnişin təyyarəsini vurması və ilk günlərdə bunu hayasızcasına inkar etməsindən sonra qəbul etdiyini deyib.

 

Kərrubi həmçinin vurğulayıb ki, silahlı qüvvələrin ali baş komandanı olaraq təyyarənin vurulmasına görə bütün məsuliyyəti Əli Xamneyi daşıyır.

 

Xatırladaq ki, yanvarı 8-də Tehran hava limanı yaxınlığında Ukrayna hava yollarına məxsus “Boeing” sərnişin təyyarəsinin qəzaya uğraması nəticəsində 176 nəfərin həlak olması ilə bağlı xəbərlər yayılmışdı. Bir müddət sonra təyyarənin vurulması ilə bağlı məlumatlar yayıldıqdan, eləcə də Kanadanın bununla bağlı ətraflı sübutları olduğunu bəyan etməsindən sonra İran yanvarın 11-də təyyarəni "səhvən" vurduğunu etiraf etməyə məcbur qalmışdı.

 

Kərrubi məktubunda həmçinin Xamneyidən "Sepah"ın təyyarəni raketlə vurmasından yanvarı 8-də, ya 11-də xəbərdar olması barədə sual soruşub.

"Təyyarənin vurulmasından məlumatlı idinizsə, deməli, bilərəkdən hərbi və təhlükəsizlik rəsmilərinə, eləcə də media orqanlarına xalqa yalan danışmağa icazə vermisiniz. Bununla da, konstitusiyaya əsasən, dini liderlik vəzifəsini daşımaq üçün xüsusiyyətlər və şərtlərdən heç birinə sahib deyilsiniz! Deyin görək, siz necə silahlı qüvvələrin ali baş komandanısınız ki, onlar sizinlə və ölkə ilə belə oyun oynayırlar! Bu da isbat edir ki, dini liderlik üçün tədbir, şücaət, idarəçilik və güc kimi xüsusiyyətlərdən də məhrumsunuz!",- deyə məktubda vurğulanır.

 

Kərrubi bildirir ki, bundan başqa Əli Xamneyinin birbaşa məsuliyyət daşıdığı kifayət qədər hadisələr var. O, bunlara misal kimi "silsilə qətllər", 2009-cu il prezident seçkilərinin nəticələrinin saxtalaşdırılması və buna qarşı keçirilmiş etirazlarda xalqın qətliam edilməsi, 2016-cı ilin sonu 2017-ci ilin əvvəllərində baş tutmuş xalq nümayişlərinin qan bahasına yatırılması, eləcə də 2019-cu ilin noyabrında benzinin qiymətinin artırılmasına qarşı etirazlarda dinc insanların qanına qəltan edilməsi kimi halları misal çəkib. Kərrubi bütün bu cinayətlərə görə məsuliyyəti Xamneyinin daşıdığını bəyan etməklə yanaşı, bu kimi hallardan xalqın boğaza yığıldığını qeyd edib.

 

Qeyd etmək lazımdır ki, Mehdi Kərrubi 2017-ci ildə Xamneyiyə ünvanladığı açıq məktubda da onu ökədə yaranan acınacaqlı siyasi, iqtisadi, mədəni və ictimai vəziyyətə görə birbaşa günahkar hesab etmiş, "dini lider"i struktur islahatına çağırmışdı.

 

Ə.A

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Təqaüdçülər Təbrizdə etiraz aksiyası keçirib-VİDEO

2022-01-24

gun az article

Antaliya idmançılarının paylaşımı Güney Azərbaycanda maraqla qarşılanıb-FOTO

2022-01-24

gun az article

Təbrizdə məktəblər bağlandı-Son zəlzələdən sonra bir sıra məktəb binalarında çatlar əmələ gəlib

2022-01-24

gun az article

Təbriz İES-də yenidən mazutdan istifadəyə başlanılması etirazlara səbəb olub

2022-01-24

gun az article

Təbrizdə zəlzələ baş verib

2022-01-23

gun az article

Milli fəal Məhəmməd Eyni Rəşt şəhərinin təhlükəsizlik idarəsinə çağırılıb

2022-01-23

gun az article

Təbrizli ailə 4 illik mübarizədən sonra övladları “Ataxan”a şəxsiyyət vəsiqəsi ala bilib

2022-01-23

gun az article

Muğanın millət vəkilinin korrupsiya əməllərini ifşa edən sosial media fəalı şallaqlanıb

2022-01-22

gun az article

Təbrizin avtobus parkı yararsız vəziyyətdədir

2022-01-22

gun az article

Əri həbs olunmuş təbrizli bəhai xanım təhlükəsizlik idarəsinə çağırılıb

2022-01-22

gun az article

Qəzvində ağır yol qəzası baş verib-Ölən və yaralananlar var

2022-01-22

gun az article

Ərdəbildə on minlərlə xalçaçı siğorta xidmətindən istifadə edə bilmir

2022-01-22

gun az article

Təbrizin Səidabad kəndinin əhalisi etiraz aksiyası keçirib

2022-01-22

gun az article

Şərqi Azərbaycanda 300 kənd ətrafdan təcrid vəziyyətinə düşüb

2022-01-22

gun az article

Zənganda dəhşətli hadisə: Təhlükəsizlik məmurları 8 yaşlı azərbaycanlı qızı güllələyib

2022-01-22

gun az article

Ərdəbildə milli-mədəni fəallar Əfşar Moheblə görüş keçiriblər

2022-01-22

gun az article

Təbrizin cümə imamından iddia: "İranın bölgədəki gücü Rusiyanı bizimlə münasibətlər qurmağa məcbur edib"

2022-01-21

gun az article

Həmədanda məktəblilər arasında narkotikaya meyillənənlərin sayı artıb

2022-01-21

gun az article

Şərqi Azərbaycanda sahibkarların fəaliyyətinə əngəllər yaradılır

2022-01-21

gun az article

Qəzvin xəstəxanalarının 80 faizi istifadəyə yararsızdır

2022-01-21