O, Təhsil Nazirliyi, Planlaşdırma və İdarəetmə Təşkilatı və Yol və Şəhərsalma İdarəsinin birgə əmkdaşlığı ilə cari təhsil ili üçün Zəngan şəhərində 63 məktəbin tikintisinin razılaşdırılmasına baxmayaraq heç bir iş görülmədiyini söyləyib.
“Nəzərdə tutulan məktəblərin tikintisi üçün yalnız Planlaşdırma və İdarəetmə Təşkilatı qismən öz vədini yerinə yetirib. Ancaq Təhsil Nazirliyi və Yol və Şəhərsalma İdarəsi problemin həlli ilə bağlı heç bir addım atmayıb, nəzərdə tutulan vəsaiti ödəməyiblər”-deyə, Səfəri bildirib.
Məktəblərin Təmiri və Texniki Təchizi İdarəsinin başçısı xüsusilə sonradan tikilən qəsəbə və yaşayış yerlərində məktəb tikintisinə əhəmiyyət verilmədiyini və bunun təhsil sahəsinə diqqətsizliyin nümunəsi olduğunu qeyd edib.
Qeyd edək ki, son illər İran hökuməti bir sıra əyalətlərdə, o cümlədən Güney Azərbaycan əyalətlərində yeni təhsil ocaqlarının tikintisi, köhnə məktəblərin təmiri və bərpası üçün vəsait ayırmır.
Təhsil Nazirliyinin yerli nümayyəndəlikləri nazirliyin təhsil ocaqlarına vəsait ayırmaq gücündə olmadığını deyir, problemin həlli üçün yerli əhalinin ianələri və xeyriyyəçilərin yardımlarının lazim olduğunu bildirirlər.
Timur
