Tofiq Zülfüqarov: "Qarabağdakı son hadisələr böyük ssenarinin tərkib hissəsidir"

04.08.2022, 14:23

Son günlər Ermənistanın təxribatları nəticəsində Rusiya sülhməramlı kontingentinin müvəqqəti yerləşdiyi Azərbaycan ərazilərində vəziyyət gərginləşib. Doğrudur, hazırda vəziyyət sabit olsa da, gərginlik hər an yenidən arta bilər. Ermənistanın təxribatları nəticəsində avqustun 3-də əsgər Anar Kazımovun şəhid olması Azərbaycan Ordusunu "Qisas" əməliyyatını keçirməyə məcbur edib. Beləliklə, Azərbaycan Ordusu elə həmin gün əməliyyat keçirərək qanunsuz erməni silahlı dəstələrinin cavabını verib və şəhidimizin qanı yerdə almayıb. 

Gunaz.tv Quote | Gunaz article

"Proseslər yavaş-yavaş Qarabağdan Zəngəzura keçir"

Eyni zamanda, "Qisas" əməliyyatı nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər nəzarətə götürülüb. Əməliyyat çərçivəsində qeyri-qanuni erməni silahlı ünsürlərinin bir neçə döyüş mövqeyi dağıdılıb, keçmiş Ağdərə rayonunun Yuxarı Oratağ yaşayış məntəqəsindəki hərbi hissəyə havadan zərbə endirilib. 

Nəticədə qanunsuz erməni silahlılarının canlı qüvvəsi məhv edilib və yaralanıb, həmçinin bir neçə D-30 haubitsası, hərbi nəqliyyat vasitələri və çoxlu sayda döyüş sursatları məhv edilib.

Bununla yanaşı, Müdafiə Nazirliyinin avqustun 4-də yaydığı məlumata görə, “Qisas” əməliyyatından sonra Rusiya sülhməramlı kontingentinin müvəqqəti yerləşdiyi Azərbaycan ərazisində, o cümlədən dövlət sərhədində nisbi sakitlikdir. Eyni zamanda əməliyyat şəraitinin Azərbaycan Ordusunun bölmələrinin tam nəzarəti altında olduğu vurğulanıb.

Azərbaycanın keçmiş xarici işlər naziri, politoloq Tofiq Zülfüqarov Qarabağdakı gərginlik, “Qisas” əməliyyatı və proseslərin gələcək mümkün inkişafı barədə “Report”un suallarını cavablandırıb.

- “Qisas” əməliyyatını necə qiymətləndirirsiniz?

- 10 noyabr 2020-ci il il tarixli üçtərəfli bəyanatın imzalanmasından 2 ilə yaxın vaxt keçib. Təəssüf ki, Ermənistan həmin sənəddəki bəzi öhdəliklərin yerinə yetirilməsi prosesini çox gecikdirir. Beləliklə, sülh prosesi dalana dirənir. Çünki rəsmi İrəvan məğlubiyyətdən sonra başqa siyasət yeritməyə başladı. Ərazi iddiaları davam etdi. 

Əlbəttə, bu, bizim maraqlarımıza uyğun deyil. Ona görə biz həm vasitəçi Rusiyadan, həm də Ermənistandan bu öhdəliklərin yerinə yetirilməsini tələb edirdik. Amma, əksinə, təxribat silsiləsi ilə üzləşdik və şəhidimiz oldu. Buna adekvat olaraq, biz əks-hücum əməliyyatlarına başladıq. Fikrimcə, bu, həm Ermənistan hakimiyyətinə, həm də qondarma rejimə dərs olmalıdır. İrəvan öhdəliklərini yerinə yetirməlidir - terrorçular Qarabağdan çıxarılmalı, xunta tərk-silah edilməlidir, Zəngəzur dəhlizi Azərbaycanın istifadəsinə verilməlidir. Ya diplomatik, ya da hərbi yolla bu məsələlər həllini tapmalıdır.


- Yəni Azərbaycan Ordusunun yeni əməliyyatlar keçirəcəyini istisna etmirsiniz?

- Bu, Ermənistandan asılıdır. Biz “Qisas” əməliyyatı ilə göstərdik ki, düşmənə adekvat cavab verməyə həmişə hazırıq. Onlar bizim tələblərimizi də, 10 noyabr sazişinin şərtlərini də yaxşı bilirlər. İndi hansısa bəndləri yanlış başa düşdüklərini deyirlər. Bu, yayınma cəhdləri olmaqla yanaşı, həm də mənasız addımdır. Azərbaycanın siyasi iradəsi ortadadır. Bu mənada oyunlara son qoyulmalı və dediyim kimi, tələblərimiz yerinə yetirilməlidir.

- Sizcə, genişmiqyaslı müharibə başlayarsa, buna rəsmi Moskvanın münasibəti necə olacaq?

- Bu, ikinci dərəcəli məsələdir. Əsas məsələ Azərbaycan xalqının iradəsidir. Rusiya Azərbaycanın ərazi bütövlüyünü tanıyır. Ermənistanda indi çox mürəkkəb siyasi proseslər gedir. İrəvan Qərbə meyillənməyə, Rusiyadan canını qurtarmağa davam edir. Bunu şimal qonşumuz da yaxşı başa düşür.

Hazırda Ermənistanda Qərblə Rusiyanın qarşıdurması baş verir. Bu mənada, əslində, Rusiyanın birdən-birə erməniləri müdafiə etməsi məntiqsiz görünər. Buna imkanı da yoxdur. Yəni Kreml, bəlkə də, Ermənistanın Qərbin nəzarətinə keçməsinə razıdır. Rusiya üçün Zəngəzur dəhlizi layihəsi çox vacibdir. 

Çünki, beləliklə, həm Türkiyə, həm də İranla dəmiryol əlaqəsi qurmaq niyyətindədir. İndi əsas məsələ budur ki, Ermənistan Qərbin “çətiri altına” Zəngəzur dəhlizi ilə birlikdə keçəcək, ya yox. Ümumiyyətlə, proseslər yavaş-yavaş Qarabağdan Zəngəzura keçir. Bu isə o deməkdir ki, hazırda baş verən hadisələr böyük bir ssenarinin tərkib hissəsidir.
- Ermənistanın Baş naziri Nikol Paşinyan bildirib ki, son günlər baş verənlər sülhməramlıların fəaliyyətini sual altına qoyur. Sizin fikrinizcə, o, bununla nə mesaj verir?

- Bu, Ermənistanın Rusiyadan nəsə gözləmədiyinə mesajdır. Rəsmi İrəvan Rusiyanı Qərbin, beynəlxalq təşkilatların əvəz etməsi niyyətindədir. Ümumiyyətlə, Ermənistan həmişə kiməsə arxalanmaq istəyir. İndi, Rusiyanın zəiflədiyi bir vaxtda Paşinyan hakimiyyəti Qərbə sığınmağa məcbur olub.

- Sabah Türkiyə Prezidenti Rəcəb Tayyib Ərdoğan Soçiyə səfər edəcək, rusiyalı həmkarı Vladimir Putinlə görüşəcək. Liderlər Cənubi Qafqaz və Qarabağdakı son durum barədə də danışacaqlar. Bu görüşün əsas nəticəsi nə olacaq?

- Zəngəzur dəhlizi yenə də əsas məsələlərdən biri olacaq. Dediyim kimi, indi Rusiya üçün bu layihə strateji əhəmiyyət kəsb edir. Türkiyə, Rusiya və İran liderlərinin üçtərəfli görüşündə də bu məsələ gündəmdə olmuşdu. Bu mənada Soçi görüşünü Astana müzakirəsinin davamı da hesab edə bilərik. (report.az)

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Zelenski Putinlə görüşünün şərtini açıqladı

2022-08-18

gun az article

Ərdoğan: “Yeni Çernobıl faciəsi yaşamaq istəmirik”

2022-08-18

gun az article

SEPAH-ın Tehranda yerləşən "İmam Hadi" kazarmasında partlayış olub-VİDEO

2022-08-18

gun az article

Türkiyə və Ukrayna liderlərinin görüşü başlayıb

2022-08-18

gun az article

Səudiyyə Ərəbistanında İran hökumətinə yaxın şəxs ideolojik təbliğat apardığı üçün həbs edilib

2022-08-18

gun az article

Prezident: “65 məscidimiz yerlə-yeksan olunub”

2022-08-18

gun az article

İranda xristianlığı qəbul edən 3 nəfər 16 il həbs cəzasına məhkum edilib

2022-08-18

gun az article

İranlı diplomatdan Azərbaycan qarşı sərsəm iddia: "Naxcıvan İrana birləşdirilməlidir"-VİDEO

2022-08-18

gun az article

İran məhkəməsi tanınmış jurnalisti 10 il həbs cəzasına məhkum edib

2022-08-18

gun az article

İranda 6 məhkum edam edilib

2022-08-18

gun az article

Ərdoğan bu gün Ukraynaya gedir –BMT Baş katibi və Zelenski ilə zirvə görüşü olacaq

2022-08-18

gun az article

Laçını tərk edən ermənilər Azərbaycan ərazilərinə od vurur-VİDEO

2022-08-18

gun az article

Sərhəd Mühafizəsinin yaranmasından 103 il ötür

2022-08-18

gun az article

Elçin Quliyev: "Dövlət Sərhəd Xidmətinin maddi-texniki bazası daimi olaraq yenilənir"

2022-08-18

gun az article

Salman Rüşdiyə hücum edən şəxs Xomeyni heyranı olduğunu deyib

2022-08-18

gun az article

Keçmiş Amerika rəsmilərindən tələb: "İbrahim Rəisiyə viza verilməsin"

2022-08-18

gun az article

İran beynəlxalq terrorçunun saxlanıldığını iddia edib

2022-08-17

gun az article

BMT Baş katibi Ukraynaya səfər edib

2022-08-17

gun az article

İran Amerika ilə məhbusların mübadiləsini dərhal yerinə yetirməyə hazır olduğunu deyir

2022-08-17

gun az article

DSX-nın bir qrup hərbi qulluqçusu təltif edilib

2022-08-17