Fars Dili və Ədəbiyyatı Akademiyasının başçısı Qulaməli Həddad Adilin iştirakı ilə keçirilən toplantıda nazir fars dilindən istifadədə yanlışlığıa yol verən şəxslər, şirkətlər və qurumlara xəbərdarlıq sisteminin hazırlandığını bildirib.
Fars dilinin olduqca önəmli olduğunu vurğulayan nazir ondan daha geniş və düzgün istifadə edilməsi üçün daha sərt qaydaların tətbiq oluna biləcəyini qeyd edib.
Məhəmmədmehdi İsmaili Əli Xamneyi və İbrahim Rəisi də daxil olmaqla ölkə rəhbərliyinin fars dili və ədəbiyyatının inkişafı və inkişafı barədə təkliflərini xatırladıb, məsuliyyət daşıdığı dövrdə bu sahədə heç bir səhlənkarlığa icazə verməyəcəyini söyləyib.
Fars Dili və Ədəbiyyatı Akademiyasının başçısı Qulaməli Həddad Adil isə bütün şəhərlərin bələdiyyələrinə məsələ ilə bağlı tapışırıqlar verilməsini istəyib.
O, bələdiyyələri şəhər səviyyəsində fars dili və ədəbiyyatından istifadə ilə bağlı lövhələr quraşdırmağa çağırıb.
Bundan öncə seçki kampaniyası zamanı İbrahim Rəisi və seçkidən sonra onun İslami İrşad və Mədəniyyət və Təhsil nazirləri kimi təklif etdiyi hər iki nazir İranda yaşayan qeyri-fars xalqların dil və mədəniyyətlərinin inkişafı barədə vədlər vermişdilər.
Onlar ölkədə yaşayan xalqların öz ana dillərinndə təhsil hüquqlarının nəzərə alınacağını, bu istiqamətdə tədbirlər görəcəkləri bildirmişdilər.
Təbriz, Üskü və Tufarqan şəhərlərinin İran parlamentindəki nümayəndəsi Əhməd Əlirzabeyginin ana dilində təhsillə bağlı irəli sürdüyü təklifə hər iki nazirlikdən “məsələ mümkün qədər diqqətdə saxlanılacaq” deyə cavab vermişdirlər.
İranın yeni mədəniyyət nazirinin ilk toplantıda ölkədə yaşayan başqa xalqların dilləri və mədəniyyətlərini unutması, ilk olaraq fars dilli və ədəbiyyatının genişlənməsindən danışması gözlənildiyi kimi verdikləri vədlərin əsassız olduğunu göstərir.
C.E
