İran rejiminin proksi qrupları hərəkətə keçib

SON XƏBƏRLƏR

İran rejiminin proksi qrupları hərəkətə keçib

2024.05.08, 17:21

İran İsrailə hücum etmək üçün terrorçuların imkanlarından istifadəni artırmağa çalışıb. Bununla belə, İranın proksi qrupları indiyədək çox da uğurlu olmayıb.

Gunaz.tv

Məsələn, İraqda iranpərəst milislər tərəfindən İsrail istiqamətinə bir neçə pilotsuz təyyarə buraxılıb. Bundan əlavə, İran gəmilərə hücum etmək üçün Yəməndəki husilərdən istifadə etməyə davam edir.

Hadisə ilə bağlı “Jerusalem Post” məlumat paylaşıb.

Ümumilikdə, İraqdakı İran proksi qruplarının hücumları tək dronların havaya buraxılmasını əhatə edir və adətən İsrailə çata bilmirlər, dronlar adətən havada zərərsizləşdirilir və ya ələ keçirilirlər.

Eyni zamanda husilər Qırmızı dənizdə ABŞ hərbi dəniz qüvvələri ilə qarşı-qarşıya gəlir. ABŞ Mərkəzi Komandanlığının məlumatına görə, mayın 6-da “İran tərəfindən dəstəklənən husi terrorçuları Yəməndə husilərin nəzarətində olan ərazilərdən Ədən körfəzi üzərində üç pilotsuz uçuş aparatını havaya buraxıblar.

İranyönlü media bildirir ki, İsrail Rəfahı tam nəzarətə götürsə, bu, “böyük fırtına” yaradacaq və İsrail bir çox cəbhədən təhdidlərlə üzləşəcək. Hələlik təhdidlər İranın təsəvvür etdiyi kimi reallaşmayıb. Məsələn, Hizbullah mayın 5-dən 8-dək hücumlarını artıraraq onlarla raket atıb. Mayın 8-də səhər saat 11-də Hizbullah Qalileydəki əraziləri hədəfə alıb.

Yarım saat sonra Nahariyadan çox da uzaq olmayan Şlomi yaxınlığındakı əraziləri hədəfə alıb. Bunlar Hizbullahın tez-tez hədəf aldığı ərazilərdir. Beləliklə, Hizbullah eyni oyundan istifadə edir. Əsas ciddi hücum, Hizbullah tərəfindən mayın 6 və 7-də bir sıra dron hücumlarını hesab etmək olar. Bazar ertəsi Hizbullahın hücumları iki İsrail əsgərini öldürüb.

Bu, ciddi bir eskalasiyadır. Buna baxmayaraq, Hizbullah mayın 8-dən etibarən eskalasiyanı daha da artırmaqdan çəkinib. Görünür, Hizbullah yeddi aydır həyata keçirdiyi, quzeydə İsrail icmalarını hədəf aldığı, lakin hələki daha geniş müharibəyə gətirib çıxarmayan hücumlara üstünlük verir.

İran Rəfah hücumu ilə münaqişəni alovlandırmaq məqsədinə nail ola bilməyib. İran və onun proksi qruplarının həftənin sonuna doğru öz hücumlarını artırıb-artırmayacağı isə sual altındadır.

Şahin Elxanoğlu, Günaz.tv

GUNAZ.TV

SON XƏBƏRLƏR