Contact Us

SON XƏBƏRLƏR

Rəisi: Hicabla bağlı islamın təlimatlarını icra edirik

2024.05.10, 14:21
Rəisi: Hicabla bağlı islamın təlimatlarını icra edirik

Məcburi hicab qaydalarının tətbiqi ilə bağlı cəza tədbirlərinin artması və buna qarşı etirazların genişlənməsi ilə eyni vaxtda  İran prezidenti İbrahim Rəisi bunu islamın vacib təlimatı olduğunu deyib.

Gunaz.tv

O, bu barədə mayın 9-da etdiyi çıxışında bildirib.

"İslam və şəriət hicabın vacibliyini diktə edir və biz də islamın rəyinə əməl etməyə borcluyuq",- prezident qeyd edib.

İranlı sosial media fəallarə və hüquq müdafiəçiləri İbrahim Rəisinin bu çıxışının qadın və qızlara qarşı təzyiqlərin dahada artmasına səbəb olacağını düşünürlər.

Onların fikrincə, prezident hakimiyyət maraqları üçün orta əsr qaydalarını din adə altında həyata keçirməyə çalışır.

Qeyd edək ki, aprelin 13-dən İranın əksər şəhərində məcburi hicab qaydaları ilə bağlı tədbirlər gücləndirilib.

Bu, vətəndaşlarla hökumət məmurları arasında qarşıdurmalara və onlarla şəxsin həbs edilməsinə səbəb olub.

Qaydaların daha da sərtləşdirilməsi isə bir müddət öncə Əli Xaməneinin məcburi hicab qaydalarının tətbiqi ilə bağlı çağırışından sonraya təsadüf edir.

"Biz heç vaxt hicab məsələsində güzəşt etməmişik, hicab bizim əsas prinsiplərimizdən biridir",- deyə Xamənei bildirmişdi.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar