Məlumatlara görə, Babol şəhərinin bir qrup təhsil işçisi bu məsələyə kəskin etiraz ediblər.
Bundan öncə İranın təhsil naziri Yusif Nuri şagirdlərin həbs edilməsi xəbərinə realsiya verərək onların zindanlara deyil psixiatriya mərkəzlərinə göndərildiklərini demişdi.
"Şagirdlərin saxlanması islahat və tərbiyə üçündür. Onlar psixologiya mərkəzindədirlər və ekspert dostlar öz işləri ilə məşğuldurlar. Onlar tərbiyə edildikdən sonra məktəbə qaytarılacaqlar",- deyə, İranın təhsil naziri Yusif Nuri oktyabrın 11-də bildirmişdir.
İran Müəllimlər Birliyi Təhsil Nazirliyinin həbsdə olan etirazçı şagirdlərin islah mərkəzlərinə köçürülməsi ilə bağlı son qərarını kəskin şəkildə pisləyib və bunu anti-mədəni və ağılsızlıq adlandırıb.
"Bu cür ağılsız davranışlar təhsil məkanlarının qarnizonlanmasına, sinif otaqlarının elmi-mədəni mahiyyətindən məhrum olmasına gətirib çıxaracaq",- deyə, Müəllimlər Birliyinin bəyanatında yazılıb.
İran İnsan Haqları Təşkilatı da, təhsil naziri Yusif Nurinin çıxışına münasibət bildirib.
"İslah edilmək və tərbiyələndirməyə ehtiyacı olan İran İslam Respublikasının başçıları, hökumət rəsmiləridirlər",- deyə, insan haqları təşkilatının bəyanatında qeyd edilib.
Cavidan
