GünAz TV: “ABŞ-da yeni növ koronavirusdan ölənlərin sayı təxminən 100 min nəfər ola bilər ki, bu da son proqnozlardan xeyli yüksəkdir”.
APA TASS-a istinadən xəbər verir ki, bunu ABŞ Prezidenti Donald Tramp Ağ Evdə çıxışı zamanı deyib.
100 min insanın həyatını itirməsinin dəhşətli göstərici olduğunu vurğulayan prezident koronavirusun yayılmasına qarşı həyata keçirilən mübarizədəki irəliləyişlərə də toxunub: "Səhiyyə sahəsindəki potensialımızı gücləndirdiyimizə görə yoluxmanın səviyyəsinin aşağı düşməsinə nail olmuşuq. Tədricən tətbiq olunan karantin məhdudiyyətlərinin aradan qaldırılması üzrəyik”.
Tramp əlavə edib ki, koronavirusun yayılmasının zamanında qarşısını almaq üçün “mənbəyində” dayandırılmalı idi.
Xatırladaq ki, Ağ Ev rəhbəri aprelin 17-də ABŞ-da koronavirusdan təxminən, 60-65 min adamın öləcəyini söyləmişdi.
Ə.A
