Türkün tarixinə yeni bir baxış

SON XƏBƏRLƏR

Türkün tarixinə yeni bir baxış

2021.10.20, 07:36

Gunaz.tv

"Türkün tarixinə yeni bir baxış" Kitab dərs vəsaiti kimi nəşr olunub Yazıçı-publisist, "OLAYLAR" qəzetinin və eyniadlı agentliyin baş redaktoru Yunus Oğuzun "Türkün tarixinə yeni bir baxış" kitabın ikinci nəşri də oxucuların istifadəsinə verilib. İlk dəfə 2007-ci ildə çap edilən kitabın yeni nəşri Təhsil Nazirliyinin 31 mart 2008-ci il tarixli 391 saylı əmri ilə dərs vəsaiti kimi təsdiq edilib. Elmi-publisistik əsər şagirdlər, tələbələr və geniş oxucu kütləsi üçün nəzərdə tutulub. Tarix elmləri doktoru, professor Yaqub Mahmudovun, professor Firudin Ağasıoğlunun, xalq şairi, millət vəkili Sabir Rüstəmxanlının ön söz yazdığı kitabda müəllif türklərin tarixinə yeni nəzər salaraq geniş tədqiqatlar aparıb. Araşdırmalarına əsasən türkün tarixinin yenidən yazılması qərarına gələn Yunus Oğuzun əsəri ilə tanış olan oxucular türkçülüyün tarixi üçün böyük əhəmiyyət kəsb edən yeni faktlarla tanış olmaq imkanı qazanıb. "Türkün tarixinə yeni bir baxış" əsərini "ədalətsizliyə qarşı üsyan" adlandıran Yaqub Mahmudovun fikrincə, Yunus Oğuzun kitabı zərbəyə qarşı əks-zərbədir: "İndi belə zərbələrə ehtiyac var". Qeyd edək ki, 2 kitabdan ibarət olan əsərin birinci kitabı "Qədim Anadolu və Azərbaycan türkləri", 2-ci kitab isə "Strabonla Avropaya səyahət, yaxud "Coğrafiya"da türk toponimləri, hidronimləri və etnonimləri" adlanır. olaylar