Avropa Birliyi (AB) İran hökumətinə Ukraynaya qarşı müharibə aparmaq üçün Rusiyaya silah, o cümlədən pilotsuz uçuş aparatları tədarükünün yolverilməzliyi barədə xəbərdarlıq edib.
İranın xarici işlər nazirinə telefon danışığı zamanı xəbərdarlıqla bağlı məlumat verilib.
P.Stanonun sözlərinə görə, AB Rusiyaya hər hansı silahın, o cümlədən pilotsuz uçuş aparatlarının tədarükü faktları ilə bağlı aydın mövqeyini təsdiqləyib: “Hər hansı üçüncü ölkənin Rusiyanı silahla, istər PUA olsun, istərsə də raketlərlə təchiz etməsi faktı qəbuledilməzdir və beynəlxalq humanitar hüquqa ziddir.
Rusiya bu silahı mülki əhaliyə və mülki infrastruktur obyektlərinə qarşı istifadə edir ki, bu da beynəlxalq hüquqa görə müharibə cinayətidir”.
Xatırladaq ki, oktyabrın 20-də AB ölkələri Rusiya ordusunun Ukraynaya qarşı müharibədə istifadə etdiyi kamikadze-dronların Rusiyaya tədarükü ilə əlaqədar İrana qarşı yeni sanksiyalar qəbul edib.(Report.az)
Timur
