Pezeşkian diskvalifikasiya səbəblərini açıqladı

SON XƏBƏRLƏR

Pezeşkian diskvalifikasiya səbəblərini açıqladı

2023.11.14, 10:26

Təbrizli millət vəkili və keçmiş səhiyyə naziri Məsud Pezeşkian İran parllamentinin 12-ci dövr seçkilərində diskvalifikasiya edilməsinin səbəbləri barədə açıqlama verib.

Gunaz.tv

"Etiraz etməyəcəyəm, ancaq bu qəbul olunan hərəkət deyil. Necə ola bilər ki, bir qrup gəlib və ömrünü inqilab üçün xərcləyən şəxslərə hakimiyyətə bağlılığınız yoxdur desin?"Ş- Pezeşkian bildirib.

O, deyib ki, inqilabı və ölkəni yalnız raket, silahla saxlamaq mümkün deyil.

"Belə getsə, ciddi problemlərlə üzləşəcəyik, icttimai kapitalı və dayağı itirmək faciəli nəticələrə səbəb ola bilər. Xalqı itirsək daha qalmağımız üçün (hakimiyyətdə) heç nəyimiz olmayacaq",- təbrili nümayəndə hakimiyyətə xəbərdarlıq edib.

Qeyd edək ki, İranın qarşıdan gələn parlament seçkilərində hazırda parlamentdə olan bir neçə azərbaycanlı millət vəkilinin, o cümlədən Əhməd Əlirzabeygi və Məsud Pezeşkian diskvalifikasiya olunublar.

Buna səbəb kimi onların "Sistemə praktiki inamlarının olmaması" göstərilib.

Adı çəkilən hər iki millət vəkili hakimiyyətdə təmsil olunmalarına baxmayaraq, xüsusilə təbrizlilər arasında nisbi nüfuza malikdirlər.

Pezeşkian və Əlirzabetgi İran hakimiyyətinin Azərbaycan Respublikasına qarşı təbliğat kampaniyalarına qoşulmadıqları üçün dəfələrlə tənqid ediliblər.

Onlar Qarabağən işğalı ilə bağlı müzakirələrdəki ədalətli mövqelərinə və 44 günlük Vətən Müharibəsi dövründəki çıxışlarına görə, hakimiyyətə bağlı bir sıra media qurumları tərəfindən satqınlıqda günahlandırılıblar.

Təbrizli millət vəkilləri Azərbaycan Respublikasının İran hakimiyyəti daxilindəki adamları kimi qələmə verilib, onların parlamentə buraxılmamaları tələb edilib.

Timur

GUNAZ.TV

SON XƏBƏRLƏR