Contact Us

SON XƏBƏRLƏR

Cənubi Koreya Şimali Koreyanın atdığı artilleriya mərmilərinə cavab verib

2024.01.05, 14:01
Cənubi Koreya Şimali Koreyanın atdığı artilleriya mərmilərinə cavab verib

Cənubi Koreya ordusu Şimali Koreyanın addımını "təxribat" adlandırıb və müvafiq tədbirlər barədə xəbərdarlıq edib.

Gunaz.tv

 "Yonhap" xəbər agentliyi xəbər verir ki, bu barədə Cənubi Koreya ordusunun sözçüsü polkovnik Li Sung Jun mətbuat konfransında deyib.

"Biz ciddi şəkildə xəbərdarlıq edirik ki, bu cür böhran vəziyyətlərinin bütün məsuliyyəti Şimali Koreyanın üzərinə düşür və onu dərhal dayanmağa çağırırıq", - o bildirib.

Cənubi Koreya müdafiə rəsmilərinin bildirdiyinə görə, bu gün Cənubi Koreyanın Baengnyeong və Yeonpyeong adalarındakı dəniz piyadaları bölmələri şimal sərhəd xəttinin cənubundakı sularda simulyasiya edilmiş hədəflərə qarşı K9 özüyeriyən haubitsaları və K1E1 tanklarını cəlb etməklə canlı atəş təlimləri keçirib.

"Yonhap" agentliyi bildirib ki, Cənubi Koreya dəniz bufer zonasına təxminən 400 mərmi atıb ki, bu da Şimali Koreyanın atdığı mərmi sayından iki dəfə çoxdur.

Cənubi Koreya mətbuatı bildirib ki, 2018-ci il sazişinin imzalanmasından bəri ilk dəfədir ki, ordu dəniz bufer zonasına mərmi atır, Şimali Koreya isə artıq 16-cı dəfədir ki bu sulara atəş açır.

Xatırladaq ki, Şimali Koreya Cənubi Koreyanın Sarı dənizdə yerləşən adalarına doğru 200-ə yaxın artilleriya mərmisi atıb. Cənubi koreyalı mülki şəxslər və hərbçilər arasında itki yoxdur.

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar