Contact Us

SON XƏBƏRLƏR

Silahlandırmağa cəhd ittihamı ilə 4 nəfər mühakimə olacaq

2024.02.23, 11:50
Silahlandırmağa cəhd ittihamı ilə 4 nəfər mühakimə olacaq

ABŞ Orta Şərq ölkəsi vətəndaşı olan 4 nəfəri husiləri silahlandırmağa cəhd ittihamı ilə mühakimə edəcək. 

Gunaz.tv

Amerikanın baş prokuroru fevralın 22-i bu barədə məlumat yayaraq Ərəb dənizində zəbt olunmuş gəmidə Orta Şərq ölkələri vətəndaşı olan 4 nəfərin həmin ittihamla ABŞ-da mühakimə olunacaqlarını bildirib. 

“Kimlikləri Məhəmməd Pəhlivan, Məhəmməd Məzhər, Qəfranulla və Əzhər Məhəmməd olan əsas 4 müttəhimdən başqa saxlanılmış 10 digər şəxs də önəmli şahidlər qismində məhkəmədə ifadə verəcəklər” - baş prokuror Merrik Qarland bildirib.

ABŞ Ədliyyə Nazirliyinin Milli Təhlükəsizlik Ofisində baş prokuror müavini Matyu C. Olsen də bildirib ki, baş müttəhim olan Məhəmməd Pəhlivan raketlərin qabaqcıl texnologiyalı hissələrini, o cümlədən bir döyüş başlığını qaçaqmalçılıqla husi üsyançılarına çatdırmağa cəhd edib.

Həmçinin ABŞ İnformasiya və Təhlükəsizlik Təşkilatının müdiri Kristofer Rey əlavə məlumat verib: “İşin müttəhimləri İran istehsalı olan raket hissələrini husilərin bir müddətdir həmlələrdə istifadə etdikləri silaha quraşdırmaq üçün daşıyıblar.”

FBI rəsmisi Devid Sanberq də “həmin partlayıcı maddələrin daşınmasının SEPAH-ın təxribat xarakterli hərəkətlərinə digər bir nümunə” olduğunu deyib. 

Habelə bildirilib ki, həmin müttəhimlərin mühakimə olunması ABŞ dövləti tərəfindən SEPAH-a bir mesajdır. Belə ki, Amerika ölkədən xaric vətəndaşlarına hər hansı xəsarət yetirmə hərəkətlərinə əsla dözməyəcək. 

Taymaz

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar