Contact Us

SON XƏBƏRLƏR

 Urmuda mühacirlər torpaq iddiaları səsləndirdilər

2024.03.04, 11:16
 Urmuda mühacirlər torpaq iddiaları səsləndirdilər

Martın 1-i Qərbi Azərbaycan əyalətinin mərkəzi Urmu şəhərində İran parlamentinə 12-ci çağırış seçkilərinin nəticələri açıqlanıb.

Gunaz.tv

Elan edilən rəsmi məlumata görə Hakim Mamakan (kürd) 119776 səs, Şəhin Cahangiri (kürd) 117786 səs və Seyyid Salman Zakir (türk) 115761 səslə qalib elan ediliblər.

Nəticələrin elan edilməsindən sonra şəhərin fərmandarlığı qarşısına toplaşan kürdlər "Urmiya Kürdistan" şüarları səsləndirib, Azərbaycana qarşı torpaq iddialarını təkrarlayıblar.

Bununla yanaşı, kürd partiyaları, Azərbaycana qarşı ərazi iddiası ilə tanınan cərəyanlar paylaşımlar edərək kürdlərin qələbəsini təbrik ediblər.

Eyni halda türk seçicilər də nəticələrin saxtalaşdırıldığını deyib və etiraz aksiyaları keçiriblər.

Onlar seçkilərdə saxtakarlıq olduğunu, kürdlər yaşayan bölgələrdən Urmu şəhərinə qruplar halında seçicilərin gətirildiyini bildiriblər.

Məlumatlara görə, Urmu şəhərində kürd namizədlərə verilən səslərin 50 mini başqa bölgələrdən şəhərə gətirilən və qanunsuz səs verən kürdlərə aiddir.

Qərbi Azərbaycan əyalətinin milliyyətcə kürd olan valisi Məhəmmədsadiq Mötəmedianın səsvermənin nəticələrinin təcili elan edilməsi və təsdiqlənməsi üçün DİN-in yerli bölməsinə, fərmandarlığa təzyiq göstərdiyi deyilir.

Azərbaycanlı etirazçılar isə səsvermənin nəticələrinin ləğv edilməsini və Urmiyada yenidən seçki keçirilməsini tələb edirlər.

Qeyd edək ki, Sulduz və Makı şəhərlərindən də kürd namizədlər Əbdülkərim Həsənzadə və Ömər Əlipur parlamentə təyin ediliblər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar