Contact Us

SON XƏBƏRLƏR

“Hicab barədə qanunun icrası sistemə problem törədəcək”- İran Məclisinin deputatı

2024.03.12, 15:28
“Hicab barədə qanunun icrası sistemə problem törədəcək”- İran Məclisinin deputatı

“Şəxsləri yola gətirə bilmiriksə, onlara israr etməklə vəziyyəti daha da pisləşdirməyək”- Təbriz şəhərinin deputatı Məsud Pezişkian deyib.

Gunaz.tv

Pezişkian İran İslami Şura Məclisində çıxışı zamanı icbari hicab barədə qanunu tənqid edərək deyib: “Hicab barədə nə qədər qanun yazsaq da asanlıqla icra olunası deyil. İcra olunsa da sistem üçün problem törədəcək”. 

Deputat martın 11-i Qum şəhərinin bir klinikasında icbari hicaba riayət etməyən qadının hansısa bir molla tərəfindən kameraya çəkilməsi nəticəsində həmin qadının molla ilə dalaşdığını vurğulayıb. 

“Kimsənin insanların özəl sərhəddinə toxunmağa və müdaxilə etməyə haqqı yoxdur. Bəzi hallarda elə davranırıq ki, insanlar reaksiya göstərməyə məcbur olurlar” - Pezişkian.

O, həmçinin hansısa digər bir deputatın hicaba riayət etməyənlərə cərimə tətbiq olunması tələbinə də cavab verib. 

“Bu cənablar öz övladlarına baxsınlar. Onları hansısa bir işi görməyə məcbur edə bilirlərmi? 

Mən öz qızımı, oğlumu və yaxud digərini namaz qılmağa, hicaba geyməyə məcbur edə bilmirəmsə bunu cəmiyyətə tətbiq etməyə haqqım yoxdur”.

Pezişkiyan çıxışının digər bir hissəsində deyib: “40 ildir ölkə, hakimiyyət, məktəblər, uşaq bağçaları əlimizdədir. Uşaqları yola gətirə bilməmişik. İndi isə hicab barədə qanunla onları tərbiyə etmək istəyirik. Bu mümkün deyil.”

Taymaz
.

Açar Sözlər :

SEÇİLMİŞ XƏBƏRLƏR

Çox oxunanlar