Təbriz şəhəri Şahnaz küçəsinin tarixçəsi haqqında

SON XƏBƏRLƏR

Təbriz şəhəri Şahnaz küçəsinin tarixçəsi haqqında

2024.03.29, 14:44

Təbriz şəhərinin birinci və əsas küçələrindən biri Şahnaz küçəsidir. Lakin küçənin adının hansı şəxsiyyəti təmsil etdiyi barədə çoxlarının məlumatı yoxdur.

Gunaz.tv

“Görəsən Tehranda hərəsi min tümən və başqa sözlə bir və yaxud bir neçə gecə əyyaşlıqlarının xərcini qadınların təhsilinə ayırmaqla bu ölü xalqın dirilməsinə sərf edə bilən 100 kişi yoxdurmu?!” Şahnaz Rüşdiyyə

Şahnaz qadınların təhsilinin vacibliyi barədə bu sözləri 1920-ci ilin payızında yazdığı məqaləsində deyib.
O, həmin vaxt 20 yaşında cəsarətli bir qız olaraq Qadınların Məktubu anlamında olan “Nameyi Zənan” qəzetində İranda qadınazidd və ataxaqan cəmiyyətinin canına od salmışdır.

Şahnaz 1901-ci il Tehran şəhərində doğulub. Ərinin soyadını daşıyan Şahnaz Azad məşhur Mirzə Həsən Rüşdiyyənin böyük qızı olub.

Mirzə Həsən Rüşdiyyənin özü İranda müasir təhsilin təməlini qoyan Güney Azərbaycanın şəxsiyyətlərindən biri hesab olunur.

Rüşdiyyə İran cəmiyyətinin qadınlara və təhsilinə xor baxdığı zamanlarda ibtidai məkəbin direktoru olub.

O, həmin vaxt Şahnaz və digər qızını təhsil üçün oğlan geyimində məktəbə daxil edərək onlara kimsəyə qız olduqlarını deməməyi tapşırıb.

Şahnaz 16 yaşında olarkən tanınmış jurnalist Əbulqasım Azad Mərağeyi ilə evlənib.

Yoldaşı ziyalı oluğuna görə onun təhsili və sosial fəaliyyətlərinə qarşı çıxmayıb və ona fəaliyyətləri üçün daha da artıq zəmin yaradıb.

O, 1920-ci ildə həyat yoldaşı ilə birgə Qadınların Məktubu qəzetinin nəşr edilməsi qərarına gəliblər.

Qəzet öz zamanının qabaqcıl və cəsarəti nəşri olaraq ataxaqanlıq cəmiyyətini tənqid atəşinə tutur.

Qəzetin baş məqalələrini 19 yaşında olarkən Şahnazın özü yazır və qəzetin ilk nömrəsində deyib:

“görən gözlərimizlə, eşidən qulaqlarımız və sağlam ayağımızla inkişaf magsitralında irəli getməyimizə nə mane olur? - mövhumat və irtica”.

Şahnaz atasını nümunə götürərək 1951-ci ildə Sitarə qız məktəbi və Şahnaz Uşaq Baxçasının təməlini qoyur.

Azərbaycanıın qadın şəxsiyyətlərindən biri Şahanz Azad 1961-ci ildə dünyasını dəyişib.

Təbriz şəhərinin məşhur Şahnaz küçəsinə onun adı qoyulub.

Qeyd edək ki, İran hakimiyyəti Şahnaz küçəsinin adını dəyişdirib. Küçə hazırda Şəriəti adını daşıyır. Lakin xalq bu ada etinasız yanaşaraq küçəni əsil adı ilə tanıyır və səsləndirilər.

Taymaz

GUNAZ.TV

SON XƏBƏRLƏR