Tələbə hərəkatı fəalı qeyri-müəyyən vəziyyətdə saxlanılır

SON XƏBƏRLƏR

Tələbə hərəkatı fəalı qeyri-müəyyən vəziyyətdə saxlanılır

2024.08.19, 13:26

Təbriz Universitetinin tələbəsi, tələbə hərəkatı fəalı 21 yaşlı Ehsan Fəridi Təbriz həbsxanasında qeyri-müəyyən şərayitdə saxlanılır.

Gunaz.tv

Bu barədə insan haqları fəalları məlumat yayıblar.

Bildirilib ki, Ehsan Fəridinin həbsinin üstündən iki ay keçməsinə baxmayaraq, onun məhkəmə işinin yekunlaşdırılması barədə tələbi yerinə yetirilmir.

"62 gün əvvəl həbs edilən tələbənin birinci məhkəməsi avqustun 3-də keçirilsə də, yekun məhkəmənin nə vaxt keçiriləcəyi barədə qərar verilmir",- məlumatda deyilib.

Qeyd edək ki, Təbriz Universitetinin inşaat və istehsalat mühəndisliyi fakültəsinin tələbəsi Ehsan Fəridi mayın 19-da Ümumi və İnqilab Məhkəməsinə çağırıldıqdan sonra həbs edilərək şəhərin mərkəzi həbsxanasına köçürülüb.

Onun barəsində irəli sürülən ittiham barədə açıqlama verilməyib.

Bundan əvvəl martın 8-də də təhlükəsizlik qüvvələri Fəridini həbs edib, 10 gün dindirdikdən sonra sərbəst buraxmışdılar.

GünazTV

GUNAZ.TV

SON XƏBƏRLƏR