Contact Us

SON XƏBƏRLƏR

Abbas Lisani həbs edildi - Evində axtarış aparılıb

2024.08.31, 13:46
Abbas Lisani həbs edildi - Evində axtarış aparılıb

Bu gün, 31 avqust 2024-cü il tarixində, təhlükəsizlik və polis qüvvələri keçmiş siyasi məhbus və milli hərəkatın tanınmış fəalı Abbas Lisaninin Ərdəbil şəhərindəki evinə hücum edib, onu özləri ilə aparıblar.

Gunaz.tv

Bu barədə yerli insan haqları fəalları məlumat yayıb.

Həbsdən sonra təhlükəsizlik qüvvələri Lisaninin evində axtarış aparıb, ona məxsus şəxsi əşyaları, o cümlədən evin təhlükəsizlik kameralarının DVR cihazını müsadirə ediblər. 

Milli fəalın həbs səbəbi barədə açıqlama verilməsə də, həbsin, onun Yəzd şəhərinə 2 illik sürgün cəzasından imtina etməsi ilə bağlı olduğu ehtimal olunur.

Abbas Lisani, bundan əvvəl 5 avqust 2024-cü ildə sürgün cəzası ilə bağlı məhkəmənin göndərdiyi çağırışı qanunsuz adlandıraraq ona məhəl qoymayıb.

Xatırladaq ki, Abbas Lisani, 21 fevral 2023-cü il tarixində 4 il 2 aylıq həbs cəzasını çəkdikdən sonra, "ümumi amnistiya və cəzaların azaldılması" haqqında fərman əsasında Ərdəbil həbsxanasından azad edilib.

Keçmiş siyasi məhbus məcburi sürgün cəzasını çəkmək üçün Yəzd şəhərinə göndərilsə də,  o, Yəzd şəhərinə çatdıqdan sonra bu cəzanı qanunsuz adlandıraraq Ərdəbilə qayıdıb.

Məhkəmə qərarları ilə bağlı işin vəkili Seyid Məhəmmədrza Fəqihi bildirib ki, əgər cənab Lisani ümumi amnistiya ilə azad edilibsə, Yəzd şəhərindəki məcburi sürgün cəzası da həmin amnistiyaya daxil olmalı idi. 

Bu səbəbdən, milli fəalın azadlığa buraxıldıqdan sonra Yəzd şəhərinə köçürülməsi və cəzasının artırılmasının hüquqi əsası yoxdur.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar