İranda türk yoxdur - Fars tədqiqatçıdan qəribə iddia

SON XƏBƏRLƏR

İranda türk yoxdur - Fars tədqiqatçıdan qəribə iddia

2024.09.14, 13:15

Son vaxtlar irqçi və şovinist mərkəz və şəxslərin İranda qeyri-fars xalqlarla bağlı fəaliyyətləri, onların kimliklərinin təhrif edilməsi səyləri yeni vüsət alıb.

Gunaz.tv

Həmin şəxslərdən biri, sosial tədqiqatçı və etnik araşdırmalar mütəxəssisi kimi tanınan Ehsan Huşmənd son müsahibəsində Azərbaycan torpaqlarında yaşayan əhalinin etnik mənsubiyyətini şübhə atına alıb.

O, «İranlıların Mədəni və Dil Qarışıqlıqlarının Nümunələri» adlı müsahibəsində Güney Azərbaycanın bəzi şəhərlərində türklərin yaşadığını inkar edən fikirlər səsləndirib.

Huşmənd, Qərbi Azərbaycan əyalətinin Qoşaçay (Miyandab) şəhərinin bəzi sakinlərinin "Kirmani" soyadlarına diqqət çəkərək, bu türk ailələrinin Ağa Məhəmməd şah Qacarın dövründə Kirmandan buraya köçürüldüklərini iddia edib.

Huşmənd, müsahibəsində Güney Azərbaycanın türk kimliyini şübhə altına alaraq, İran yaşayan müxtəlif millətlərin mövcudluğunu inkar etməyə çalışır.

O, Güney Azərbaycan və İranda yaşayan türklərin kimliyini inkar edərək, indiki İranı tək bir mədəniyyəti və millətin, yəni fars mədəniyyəti və xalqının yaşadığını təlqin etməyə səy göstərir.

Qeyd edək ki, xüsusilə son vaxtlar Huşmənd təfəkkürdə olan şəxslərin fəaliyyəti dahada güclənib və ölkə mediasında qeyri-farsların, xüsusilə türklərin kimliyini təhrif və inkar edən verilişlərin sayı artıb.

Məsud Pezeşkianın prezident seçkisi öncəsi təşviqat və təbliğat kampaniyasında ölkədə başqa xalqların milli hüquqları ilə bağlı bir neçə vədi, şovinist dairələrin hücumlarının yeni dalğasının başlamasına səbəb olub.

Məsud Pezeşkian isə seçildiyi gündən bu yana qeyri-fars xalqların hüquqlarının təmini ilə balı verdiyi vədlər barədə hər hansı addım atmayıb, çıxış belə etməyib.

GünazTV

GUNAZ.TV

SON XƏBƏRLƏR