Contact Us

SON XƏBƏRLƏR

Təbrizin cümə imamının İsraillə bağlı iddiası istehza ilə qarşılaşdı

2024.09.21, 12:03
Təbrizin cümə imamının İsraillə bağlı iddiası istehza ilə qarşılaşdı

İsrail dövləti xəttin sonuna çatıb və yaxın vaxtlarda Əli Xaməneinin vəd verdiyi qisas nəticəsində bu ölkə dağılacaq.

Gunaz.tv

Bunu Əli Xaməneinin Şərqi Azərbaycandakı nümayəndəsi və Təbrizin cümə imamı Əhməd Mütəhhəri Əsl deyib.

O, İran rəsmilərinin İsrail dövlətinin yer üzündən silinəcəyi ilə bağlı iddialarını təkrar edib və "bu yaxınlarda Əli Xaməneinin arxasında Beyt əl-Müqəddəsdə (Yevrossəlim-red) namaz qılacayıq",- deyə bildirib.

Cümə imamının bu iddiası təbrizli sosial media istifadəçilərinin istehzası ilə qarşılaşıb.

Onlar Əhməd Mütəhhəri Əsli ehtiyatlı olmağa, Yevrossəlimə təyarə ilə deyil ulaqla getməyi məsləhət biliblər.

"Ağayi Müttəhhəri Əsl, bildiyiniz kimi helikopter və təyyarələrin İran rəsmilərinə düşər-düşməzi var. İbrahim Rəisini və keçmiş cümə imamı Məhəmmədəli Ali Haşimin taleini yaşamamaq üçün Yevossəlimə ulaqla getməyiniz məsləhətdir",- təbrizlilər cümə imamına tövsiyə ediblər.

Qeyd edək ki, mayın 19-da İranın keçmiş Prezidenti İbrahim Rəisi, Təbrizin cümə İmamı Məhəmmədəli Ali Haşim, Şərqi Azərbaycan valisi Malik Rəhməti və başqa bir neçə nəfər helikopter qəzasında həlak olublar.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar