Contact Us

SON XƏBƏRLƏR

Təbrizli yazıçı və jurnalist Zöhrə Vəfayi dünyasını dəyişib

2024.09.23, 15:12
Təbrizli yazıçı və jurnalist Zöhrə Vəfayi dünyasını dəyişib

Təbrizdə yaşayan tanınmış jurnalist, yazıçı və media fəalı Zöhrə Vəfayi sentyabrın 22-də dünyasını dəyişib.

Gunaz.tv

O, xüsusilə 1990-cı illərdə Təbrizdə nəşr edilən populyar türkcə-farsca Çuvalduz satirik dərgisinin naşiri və Zeynəb Paşa nəşriyyatının sahibi kimi tanınıb.

Vəfayi, türk dili, folkloru və ədəbiyyatı, eləcə də Güney Azərbaycanda tarix, mədəniyyət və sosial həyat sahələrində onlarla kitab yazıb.

Təbrizli yazıçı əsərlərindən “Uşaq məktəbi”, “Azərbaycanın məşhurları” (5 cildlik), “Alqışlar və qarğışlar”, “El bayatıları”, “Oyunlar”, “Azərbaycanın məşhur yeməkləri”, “Peşələr”, “Laylalar”, “Qablar”, “Adlar və adlandırılanlar”, “Geyimlər”, “Ana”, “Ölçülər”, “Heydər Əmioğlu”, “Qarınqulu cücə”, “Axtar-tap” və “Məsəllər” kimi kitablar İran Azərbaycanında türk və fars dillərində işıq üzü görüb.

Vəfayi həmçinin türk dil hüquqları və siyasi məhbusları müdafiə sahəsində fəaliyyət göstərib. O, keçmiş illərdə göstərdiyi mədəni və siyasi fəaliyyətlərinə görə İranın təhlükəsizlik orqanlarının təhdid və təzyiqlərinə məruz qalıb.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar